مشترياتي من موقع انستازيا | ANASTASIA HAUL

مرحبا 

كيفكم ؟؟طمنوني عنكم.

تاخرت في كتابة البوست لان حصلت لي ظروف غصب عني ..

بس اهم شي رجعت لكم ..

من فتره كان البلاك فرايدي وهو الجمعه السوداء واللي مايعرفها تكون اخر جمعه في نوفمبر وكل المحلات والمواقع الامريكيه تسوي تخفضيات و خوصمات توصل ال70% ..

وانا من فتره ودي بكم غرض من انستازيا ف قلت خليني انتظر واجرب يمكن اطلع بخصم يسوى .. مالكم بالطويله وخلوني استعرض لكم مشترياتي البسيطه .. وكانت ثلاث اشياء وجد حابه اجربهم ب اقرب فرصه ومنها اجرب الطلب من موقعهم اون لاين..

بالنسبه للطلب جدا سهل .. مايحتاج بريد امريكي ..

اما بالنسبه للتوصيل مقدر احكم عليه لانها فترة ظغط  بالنسبه لهم وتخفيضات لاكن صديقتي طلبت و وصل خلال اسبوع اما انا فطولت اخذت اسوعين تقريبا 

وايضا سحبو المبلغ دبل ,,وبعد الشحن رجعو الباقي+انهم بعد وصول الطلبيه ارسلو لي انها شحنت>>صح النوم انستازيا 😌

المهم وصلت وكانو مهتمين بالتغليف ,,حسافه ما صورت البوكس 

ايش طلبت و رائي فيه ..

*باليت MODERN RENASSANCE 

هذا الباليت شفت ريفيوهات عنه كثير وحبيته وكنت ابي اطلبه لاكن مقطوع من فتره وبالبلاك فرايدي لقيته بالموقع رجع من جديد بس ماعليه خصم كان ب42$ ..

تقريبا كله مات وكم لون ب لمعه وحسيت انه يناسب الشتاء خصوصا اني طايحه بغرام الالوان المحمره ..

بنفس الباليت فرشه مزدوجه جهة للتوزيع الشدو وجهه للدمج 

اكثر شي اعجبني او اذهلني فخامة الباليت صاير مثل الشامواه من برا وبصراحه خايفه عليه يتوصخ 😐

بالنسبه للشدو نفسه يعيبه انه يتناثر شوي ..بس الالوان قويه و واضحه ..

*باليتGLOW KIT 

عباره عن اربع درجات من اللمعه او الهايلايت برونزيه تقريبا تدرج من الفاتح للغامق 

دايم اسمع مدح عن اضاءت انستازيا وهذا قررت اخذه لانه اربع درجات في باليت واحد يعني اقدر اغير او ادمج اضائتين مع بعض

لفت نظرني انها ناعمه جدا حبوب اللمعه بالكاد تبين 

ف تعطي لوك متوهج ومشرق بدون يبين اوفر .

ومازال تحت التجربه ..

*قلم الحواجب BROW DEFINER

ومين ما يعرف قلم الحواجب من انستازيا ؟؟ اشهر من النار على العلم ..

انا جربت اقلام حواجب قريبه من فكرة انستازيا ,توم فورد وغيره وابد ابدا ماحبيته اللون بصعوبه يطلع وممكن تتساقط بعض شعرات الحاجب,,لاكن شفت هذا عليه مدح مو طبيعي مافي يوتويبر او بلوقر ما مدحته ..

بالنسبه لي ما فرق عن البقيه اللي جربتهم الا بشي واحد ان اللون يبين غامق مو خفيف ..

انا استخدم الجل دايم او القلم العادي ممكن هالشي اللي مخليني مو متقبلته ..

وبس هذا كل شي 

اتمنى افدتكم 

اذا جربتي شي من هاذي المنتجات اكتبي لي رايك او اذا مجربه شي مختلف من انستازيا شاركني ايضا؟؟

لنكن على تواصل من خلال:تعالو والقو التحيه 😍😍

انستقرام:mayaablog

تويتر :mayaablog

سناب شات :mayaablog

في امان الله 💓

7 comments مشترياتي, Makeup | مكياج, Reviews | تجاربي

افضل 6 منتجات جربتها في 2016

مرحبا 

ي هلا فيكم ..

اليوم بتكلم عن منتجات ميك اب جربتها في2016 واعجبتني ..

بديت هاذي السلسله من السنه الماضيه لو حابه تشوفينهاهنا 

في السلسله هاذي اشارك معكم حصلية سنه وافضل شي بالنسبه لي من تجربتي 

 جربت منتجات كثير بس مو كلها كانت كويسه او جيده ف عشان كذا اكتب عن الافضل من وجهة نظري الشخصيه ..

 ..

اول منتج بتكلم عنه

COLOURPOP LIPSTICK

اخذت الروجين هاذي كا تجربه وجدا حبيتها وماتنشف الشفايف وما تروح بسرعه وايضا تعطي لوك مات اللي يميز كلربوب الاسعار المتدنيه وفي متناول اليد والوانها الرائعه  وكثير تكلمت عنهم هنا او في الانستقرام من كثر مو عاجبيني 

HAUTGLANZGELEE TRANSPARENT JELLY

جل  اخضر سايل يوضع على المناطق الجافه او اللي تقشر بعد وضع الميك اب عشان يثبت ويعطي لوك دوي 

لاكن انا افضل اخلط نقطه منه مع الفاونديشن .. الاحظ القشور تختفي لما اسوي هالحركه 

ما ندمت اني اخذته والكميه كبيره على كثر مااستخدمته الا انه باقي ما خلص .

TARTELETTE IN BLOOM

هذا الباليت تكلمت عنه في بوست كامل تحصلونه هنا

تميزت تارت في الشادوات المات والالوان الدافيه 

اشوف انه لازم يكون عند كل بنت 

B B CREAM MISSHA

بي بي كريم كوري اخذ ضجه كبيره وكلنا نعرف ان الكوريين يحبون البشره تبين كلها لون واحد وفاتحه جت فكرة البي بي كريم هذا انه يغطي كل عيوب البشره وفعلا نجح في هذا الشي ايضا يتميز انه مع واقي شمس 

واحب استخدمه في الصباح اكثر شي 

NYX SOFT MATTE LIP CREAM

قوامها كريمي ثقيل ما حسيت انها تجفف الشفايف لاكن ما تطول احتاج اجددها حبيتها لان الالوان تسحر خصوصا ابوظبي وستوكهولم والاحمر هذا خيالي وايضاء اسعارها جيده .

L.A.GIRL POR.conseal

كثير قالو انها تشبه كونسيلر ماك لاكن مااحس كذا اشوفها اثقل من ماك ولازم ادمجها بسرعه قبل تجف اما المصححات سايله ونقطه منها تكفي لو كثرتي اعدمتي الدنيا ..

جدا احب استخدمها دايم 

.
.
.

لنكن على تواصل

انستقرام :MAYAABLOG

سناب شات :MAYAABLOG

تويتر :MAYAABLOG

اكتبو تعليقاتكم حول الموضوع تحت

في امان الله

8 comments Makeup | مكياج

روتين مكياجي اليومي |My evreday makeup routine

مرحبا

كيفكم ؟؟

اليوم الموضوع عن روتيني اليومي في وضع المكياج  .. طبعا مو دايم احط مكياج  بس هذا للطلعات الخفيفه او اذا حابه احط شي خفيف  وسريع ..

في ما انه مكياج كل يوم لازم يكون بسيط مافيه الوان كثير ولا كونتور ولا هايلايت ..

وطبعا ماارسم اي لاينر اكتفي ب المسكارا بس ..

في البدايه قبل المكياج اغسل وجهي بغسول لطيف وارطب بكريمي المعتاد ونزلت طريقة عنايتي ب بشرتي لو حابين تاخذون نظره هنا

بعد كذا ابدا في البرايمر على الاماكن اللي تدهن وعندي هي التي زون بس.. برايمر بودي شوب جل شفاف ومررا جميل يعطني بشره ناعمه او يخلي سطح البشره ناعم..

نتفه منه تفي بالغرض على كامل الوجه واتركه يمكن3 دقايق عشان ينشف  او يجف ..

وبالنسبه لكريم الاساس استخدم بي بي كريم من ميشا لانه خفيفه على بشرتي وماابي شي ثقيل او تغطيه كامله اوزعه بالاسبونج اخذتها من ذا فيس شوب ناااعمه جدا و طريه وتوزيعها ممتاز اظن مجموعه ب ١٠ ريال ..درجتي هوني بيج اللي يميزه ان معه حمايه من الشمس  وهذا جدا مناسب للطلعات النهار...و بعد كل خطوه لازم انتظر كم دقيقه عشان ينشف الاساس وكذا

وللكونسيلر استخدمl a girl بدرجة كريمي بيج وجدا قريبه من لون بشرتي عشان تغطي الهالات الخفيفه اللي عندي وماابي اضاءه قويه تحت العين عشان كذا اخترت درجه مناسبه لي ..اوزع ب اسبونج فيس شوب ..

بالنسبه للباودر استخدم بنانا من بن ناي اخذ منها ب نفس الاسبونج اللي وزعت فيها الكونسيلر ونفس الجهه الرطبه  اوزعها تحت العين واقرب لجوانب الانف  عشان اسوي كونتور  للانف واخليها لحد مااخلص مكياج العيون وبعدها انفضها ب الفرشه من سيقما بطريقة البيكنج ..ليش سويت كذا ؟؟لان ماابي تحت العين يخطط وابيه يظل ناعم ومنور ..

اوزع البلشر بفرشة سيقما رقمها f40 .. استخدم لون وردي فاتح من باليت كوستال ..الباليت مافيه شي مميز حجمه كبيره وتورطت فيه صراحه بس درجة البلشر هاذي خورافيه ..

بعد ماخلصت الوجه نتوجه للمكياج العيون ونبدا بالحواجب

من باليت سليك للحواجب ودرجتي اكسترا دارك استخدم الباودر مع فرشة مشطوفه من سيقما ورقمها E65

وبشكل خفيف اعبي الفراغات لان ابي شي بسيط وناعم واكيد طبيعي...

وللشدو استخدم باليت تارت وكتبت عنه هنا

ابدا بدرجة flower child و اوزعها بفرشة سيقما ورقمها E55

وعلى زاوية العين الخارجيه استخدم درجة rebel بفرشة الدمج من سيقما رقمها E40 وعند مدمع العين بفرشة القلمF30 اوزع لون فاتح و درجة في الباليت هو charmer وبالون الغامق اللي استخدمته فوق ارجع احط منه تحت العين وهنا اشيل الباقي من الباودر واحط المسكارا وهي من ريميل  ومراا جميله تفتح العين ..

وبالنسبه للروج استخدم منNYX درجة ستوكهولم مررا حابته كريمي مات ويثبت فتره لا باس بها ..

وبس هذا مكياجي اليومي والبسيط

ان شاءالله عجبكم البوست

موضوع عن فرش سيقما هنا

.

.

.

لنكن على تواصل (سوشيل ميديا )

انستقرام :mayaablog

تويتر:mayaablog

سناب شات :mayaablog

في امان الله

4 comments Makeup | مكياج

سيروم فيتامينE من ذابودي شوب

ي هلا و مرحبا 

كيفكم؟؟

من منا لا تتمنى بشره نضره وخاليه من العيوب ؟؟

فيتامينE معروف انه مفيد للبشره يعطيها نضاره و يقضي او يقلل من التجاعيد 

كما انه يحمي بشرتك من المواد الضاره المتوفره بمنتجات التجميل 

فيتامين E يستخدم في كثير من علاجات الطفح الجلدي والالتهابات لتاثيره المفيد على المنطقه المصابه .

اقدر اقول ان فيتامين E مهم يكون عند كل بنت 

قبل شهر او اقل بدات استخدم سيروم فيتامين E من ذابودي شوب 

قوام السيروم مائي غير دهني خفيف جدا يتميز برائحه شبيه ب كريم الجليسوليد (الاحمر )

رائحه مقبوله وغير مزعجه على الاطلاق ..

بسب قوامه الخفيف يساعد البشره على امتصاصه بشكل سريع 

وعدة قطرات كافيه للوجه والرقبه لانه يمتد بكل سهوله 

                                                                               .
                                                                               .

طريقة استخدامي للسيروم فيتامينE 

استخدمه مسائا قبل النوم لانه يعمل وقت النوم خلال ساعات الليل 

بعد غسل الوجه بصابون او غسول لطيف اجففها واخذ ٣-٥ قطرات وامدها على كامل الوجه ومايتبقى بيدي اطبط فيه على الرقبه 

لا تغفلين عن الرقبه ما تستخدمينه للبشرة الوجه استخدميه عليها ايضا

ولتعزيز عمل السيروم استخدم كريم فيتامين E منTHEBODYSHOP ايضا 

                                                                                .

                                                                                .

ملاحظتي بعد استخدام السيروم ؟؟

بعد اول يوم لاحظت البشره ناعمه مثل القطن 

بعد اسبوع وجدت ان القشور في بشرتي اختفت بنسبة 60%

بعد اسبوعين بدت بشرتي نضره وناعمه وفتحت الاماكن الداكنه عندي 

وجدت انه اعطى بشرتي ترطيب قوي 

.

.

بشرح لكم الفرق بين الزيت والسيروم لفيتامين E

زيت فيتامينE ثقيل لا يمكن مده على البشره وايضا ذو قوام لزج يشبه العسل 

يفضل دائما خلطه مع كريمات العنايه للحصول على فوائده ..

اما السيروم كما قلت سابقا خفيف وسائل ويمكن استخدامه مباشره لست

 بحاجه لخلطه ..

                                                                               .
                                                                               .

ايضا يمكن استخدام السيروم مع المنتجات التجميليه مثل كريم الاساس بخلط نقطة او نقطتين معه ولا انصح بكثرته

اتمنى اعجبتكم تدوينتي 

لنكن على تواصل 

انستقرام +تويتر+سناب شات =mayaablog

ايضا ارحب بتعليقاتكم و استفسارتكم على الموضوع 

في امان الله 

9 comments Reviews | تجاربي, Skincare | العناية

براونيز بدون بيض |VEGAN

مرحبا 

كيفكم ؟؟ اتمنى تكونون بخير ..

بمناسبة بداية الاجازه والطلعات والاجتماعات حابه اشاركم وصفة بروانيز سهله وسريعه وصحيه او ممكن نقول فيها مكونات صحيه .

البراونيز هذا مميز لعدة اسباب :اول شي صحي و بدون بيض لمن يعانون من حساسية البيض او النباتين وطبعا يحتوي على الكثير والكثير من التشوكلت ..

مين مايحب التشوكلت؟؟

 بالنسبه لي اي مناسبة مميزه او اجتماعات لازم اقدم حلى  غرقان تشوكلت ..

من المكونات افكادو لاكن مو باين طعمها بالمره كله عباره شي مطاطي وتشوكلت و حالي .. ب اختصار لذيذ 

المكونات اللي اعتمدتها صراحه مو كلها صحيه لان انا حاليا احاول ادخل مكونات هلثي ب اكلي بكتب لكم طريقتي و اخر شي بحط لكم الطريقه الاصليه ..

المكونات :

ربع كوب افكادو مهروسه

ربع كوب زيت نباتي 

كوب دقيق

نص كوب كاكو غير محلى (باودر)

ثلاث ارباع كوب سكر 

ملعقة بيكنج صودا

نص ملعقة ملح

ثلاث ارباع كوب ماء مع ملعقة صغيره قهوه

كوب ونص تشوكلت تشبيس(هرشي)

الطريقة:

اولا سخني الفرن لدرجة حراره ١٨٠ + ادهني صينة الفرن ب بخاخ زيت و رشي عليه كاكو باودر 

انا حطيت قصدير ب قاع الصينيه ..

ثانيا امزجي الافكادو والزيت حتى يتجانس واظيفي الدقيق والكاكو الباودر والسكر والبكنج صودا والملح والماء وحركي الخليط  حتى يكون ناعم ومتجانس مع بعض واخر شي اظيفي كوب من الهرشي واخلطي حتى يتداخل مع المكونات ونص الكوب الباقي رشي على الوجه ..

و دخليه الفرن لمدة ربع ساعه الى عشرين دقيقه او حسب الفرن عندك 

لا تبالغين بالطبخ حتى مايعطيك قوام كيك (مثل الكيك ) لازم يكون طري ومطاطي 

قدميه بعد ٢٠ دقيقه من الفرن 

وبالعافيه 

شفتي سهل وبسيط واللحين اقولك كيف يكون صحي اذا استبدلتي بعض المكونات 

الزيت=زيت زيتون او زيت جوز الهند

الدقيق=استخدمي دقيق كامل (بر) او دقيق لوز

السكر=استخدمي بدائل السكر 

التشوكلت=تشوكلت غامق وخاص بالدايت 

البراونيز هو الحلى المفضل عندي وهاذي الوصفه لذيذه بمعنى الكلمه  غنيه بالتشوكلت والحلى موزون جربوها وشاركوني الصور على انستقرامي ..

                                                 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المكونات الاصليه :

١\٤ كوب افكادو مهروسه

١\٤ كوب زيت زيتون

كوب دقيق كامل (بر او اسمر)

١\٢ كوب كاكو باودر غير محلى

٣\٤ كوب قصب سكر 

١ ملعقة بيكنج صودا

١\٢ ملعقة ملح 

٣\٤كوب ماء او( ١\٢ كوب قهوه+١\٤ كوب ماء)

١١\٢ كوب تشوكلت غامقه

الطريقه مثل الاولى 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بالنسبة للحفظ يقعد ثلاث ايام بالثلاجه وقبل التقديم سخنيه ..

وصحتين

كوني على تواصل معي :

سناب شات+تويتر +انستقرام =mayaablog

 

4 comments Cook | طبخ

8 نصائح لمساعدتك في الانتقال الى منزل جديد

مرحبا

ي هلا فيكم

اتمنى تكونون بخير

.

.

اذا متابعيني على الانستقرام والسناب اكيد عارفين اني نقلت من البيت الى بيت ثاني جديد ..

النقل موضوع مو سهل ويحتاج جهد و وقت  وترتيب بس في حالتي ماكان في وقت ابد

عندي اسبوعين ولازم اخلص فيه ..

في البدايه كنت مشوشه ما ادري ابدا من ايش ولا شي ولا كنت عارفه ايش بحتاج عشان ترتيب الاغراض ..

بعد البحث  وبعد ما جربت  حبيت انقل لكم تجربتي  ..يمكن احد يستفيد بشي لو بسيط

يلا نبدا

.

.

*لا تاخذين منتجات غذائيه قبل النقل ب اسبوعين

خلال الاسبوعين حاولي تستخدمين الاكل والاغراض الباقيه لا تقضين او تشترين اكل زياده 

 هذا الشي بساعدك ان ماتشيل هم الاكل الباقي و لا تحتارين كيف تاخذينه معك .

.

.

*لازم يكون عندك بوكسات بحجم كبير (كرتون)

ممكن تشترينها او تاخذينها من المحلات والسوبر ماركت ..

انا جمعتها من المحلات لان ما ادري وين تباع و مافضل اشتريها ..

*ابدئي بمكان واحد

ابدائي دايم بغرفه وخلصيها وبعدها اتجهي لمكان ثاني في البيت هذا الشي بخليك ما تفقدين تركيزك وتوترين 

وبعد تخلصين اسرع 

.

.

*تخلصي من الاشياء الزائده 

وانتي ترتبين الاغراض تخلصي من الاشياء عديمة الفايده والملابس الممزقه و الملابس التي لاترتديها من خمس اشهر 

اذا جيده رتبيها و خوديها للجمعيه 

.

.

*المطبخ

ابدئي بدولاب واحد وخلصيه اذا عند اوني من الزجاج استخدمي لها الرول البلاستيك اللي يجي دايم عليه زي الكور <<ان شاءالله فهمتو 

اذا ما حصلتيه استخدمي ورق جرايد 

لفي الورق على الكوب والباقي حطيه داخل الكوب 

الملاعق جمعيها مع بعض واربطيها او استخدمي تيب 

.

.

*ضعي معلومات على الصناديق 

كل صندوق خلصتي منه وقفلتيه اكتبي عليه اذا هو للمطبخ او الحمام او غرفة النوم او ...الخ 

هذا الشي يسهل عليك وقت الترتيب في البيت الجديد و تعرفين اماكن الاغراض بسهوله وسرعه ..

.

.

*جهزي شنطه قبل ليلة النقل 

حطي فيها غيار ومنتجات للشور والسكن كير وبعض السناكات 

لان احتمال تركيب الاغراض ونقلها يحتاج وقت .

.

.

*السوايل

اي شي سايل مثل الكريمات والعطور والمكياج يفضل تحطيه في اكياس بلاستيك منعا لتسرب ..

.

.

.

هاذي اهم نصايح طبقتها واستفدت منها 

كوني على تواصل معي 

سناب شات +انستقرام +تويتر=mayaablog 

.

.

.

في امان الله 

Leave a Comment moving|نقل, Reviews | تجاربي

تجربتي لموقع SHOPBOP

مرحبا
ي هلا و سهلا

بستعرض معكم تجربتي لموقع shopbop وهو موقع امريكي للملابس والشنط واحذيه واكسسورات هاي اند او من مصممين
 الموقع متنوع بشكل كبير
.
.
.
اول شي بتكلم عنه
التوصيل
يوصلون للسعوديه ومايحتاج بريد امريكي ولا شي
التوصيل سريع + مجاني تقريبا ٣-٥ ايام عمل

خدمة العملاء رائعه جدا لاني اخترت توصيل بثلاث ايام لاكن وصلني اعتذار منهم ثاني يوم لانهم مشغولين ب ايفنت وكذا
ايضاء عندهم تغليف للهدايا

وصلتني الشحنه مغلفه بشكل جميل
الشحن كان على الدي اتش ال
ويوجد عندهم  خدمة استرجاع خلال 15 يوم

عند الدفع وانهاء الطلب عطوني كوبون خصم ٣٠٪  ماكان وقتها في خصم ف مادري اذا دايم كذا او لا..
.
.
.

نجي لشنطتي الجميله وهي كروس بودي اخذتها باللون الاسود لاني محتاجه شنطه كلاسيك للمناسبات   من ريبيكا مينكوف وهي  مصممه امريكيه اشتهرت بالفتره الاخيره بتصاميمها العصريه والكلاسكيه والاسعار المتوسطه

الشنطه تحتوي من الداخل  ع جيوب واحد منها ب سحاب ومن الخلف بعد
وحجمها كويس متوسطه
وكرت عن العنايه بالقطعه ..

الشنطه كان سعرها ب290$ وبعد الخصم  صارت ب221$
رابط الشراء هنا

وهذا كل شي الموقع يستحق التجربه لان القطع كلها اصليه والشحن مجاني بعد


لنكن على تواصل في انستقرام وتويتر وسناب شات =mayaablog 

في امان الله

2 comments تجربتي،تسوق،اون لاين, Reviews | تجاربي

السعاده على هيئة كوب قهوه | ركن قهوتي + ريفيو عن جهاز دولسي قوستوو

مرحبا ي اصدقاء 

اهلا فيكم بمدونتي 

رائحة القهوه تستحق ان تكون عطرا

إن الحصول على جودة تضاهي جودة الكوفي شوب في منزلك أصبح  اقرب مما تتخيل.

موضوعي اليوم عن ركن قهوتي وجهاز دولسي قوستو من نسكافيه 

انا احب القهوه العربيه والاسبريسو والموكا اكثر الانواع اما الباقي مو مرره 

بالنسبه للموكا مشوار كل يوم اجيبها من برا اوالاظرف مو حلووه ابدا .

وسمعت عن جهاز دولسي قوستو وانه يعمل مشروبات بارده وساخنه وفيه موكا اهم شي 

وبعد البحث قررت اخذ لي واحد ومااصف لكم شعوري وانا رايحه اخذه لحد ما جربته 

مميزات الجهاز:

يسوي مشروبات بارده وساخنه 

تنوع النكهات والشاي اكثر شي حمسني الشاي 

سريع 

صغير الحجم + خفيف 

سعره مناسب بحدود ال٥٠٠ 

تصميم عصري وانيق وبعدة الوان 

مشروبات جربتها :

الموكا + الكباتشينو + الاسبريسو (انصحكم تجربونها ) +الاميركان كوفي (ما حبيتها)+تي جاي لايته +تي لاتيه الفرق بينهم الاول معه قرفه وسبايس تقريبا نفس الكرك اما التي لاتيه ماحبيته الطعم قريب من المهلبيه 

الشاي المغربي ومرا لذيذ + الايس تي (ماحبيته لاني مااشرب ايس تي)..

كيف يعمل الجهاز ؟

ب كبسولات تكون جاهزه فيها القهوه او الحليب وكل بوكس يحتوي على ١٨ كبسوله قهوه وحليب او قهوه مثل الاسبرسو يعني الموكا والتشكوتشينو والمشروبات اللي معها حليب تكون كبسولتين وحده حليب و وحده النكهه تستخدمينها مع بعض ..

من فتره قرات ان في كبسولات بلاستيك او استنسيل يعاد تعبئتها لاكن ما جربتها ..

سلبيات الجهاز:

المشروب يكون دافي واقرب للبروده 

النكهات ما تكون دايم متوفره 

فكرة الكبسلوتين لمشروب واحد ما حبيتها 

اسعار الكبسولات مرتفعه تكون بحدود ال ٤٥ ريال

طريقة تنظيفها 

تنظيفها سهل جدا بعد مااخلص من عمل القهوه افصل القطع الصغيره واغسها واعبيها ماء واشغلها وبس وايوه وعاء الماء منفصل وحجمه كبير ..

الجهاز تحصلونه ب ساكو

الان ننتقل لركن قهوتي 

السبب اني سويته لان مطبخي صغير جدا مافي مساحه لاكن بصالتي في درج فكرت ان بدال مايقعد سطحه فاضي احوله لركن قهوه وبرضو فطور سريع لزوجي ياخذ قهوته وع الباب ..

استخدمت صينيه و وضعت فيها  السكر والكبسولات والمعمول وكوبين وشمعه عشان كل ماسويت قهوه اشبها او اولعها

وبوكس  الشاي وطبعا كلها شاي اخضر بكل الانواع 

تجاهلو ان البوكس مكتوب عليه كوفي هههههه

الصينيه اخذتها من ي سلام  وعلبة السكر مربى > اعادة تدوير 

الشمعه من باث اند بودي وركس 

الكوب الابيض من رد تاغ 

علبة الكبسولات اعاده تدوير بعد ههههه

وهذا بوكس الشاي اظن اخذته من ي سلام بعد 

وهذا كل شي حبيت اشاركم شي مختلف وبعيد عن البيوتي 

اتركو استفسارتكم وتعليقاتكم تحت 

تواصلو معي 

تويتر +انستقرام+ سناب شات =mayaablog

في امان الله 

7 comments ركن قهوتي|coffeebar

كيف اصور واعدل صور الانستقرام

مرحبا

كيفكم ؟؟

من فتره صارت تجيني كثير استفسارات عن تصويري ب انستقرام ايش الاضاءه اللي استخدمها ؟؟ وايش نوع الكام ؟؟

صوري بسيطه نوعا ما ..تقريبا كلها عن المنتجات بس اذا نزلتو تحت بالصور راح تشوفون الفرق والتطور بالتصوير وحتى بديت اتفادى اخطائي السابقه ومازلت اتعلم شي جديد واطبق ..

انا مو خبيره ولا مصوره محترفه لاكن بشاركم بعض الخطوات اللي ساعدت في تحسين تصويري..

طبعا للانستقرام استخدم كاميرا ايفون6اس  لا تنصدمون لاكن مو الكاميرا هي اللي تخلق صوره جميله بلعكس انت اللي تطلع الصوره جميله او رائعه ..

اول شي بتكلم عنه هو

 الاضاءه

الاضاءه هي العامل الموثر وبشكل كبير لما تاخذين صوره ب اضاءه منخفضه تبين الجوده مو كويسه وفيها حبيبات تخرب الصوره مهما كانت زاوية التصوير رائعه وبريفكت

انا استخدم اضاءه طبيعه (الشمس) من النافذه في اوقات معينه من النهار غالبا اصور من الساعه 8 ـ10 الصبح تكون قويه  ..هنا المنتج يكون بعيد شوي عن النافذه لان النور الساطع يخرب الصوره وخليها تبين قاسيه على العين

بعد العصر تكون اضاءه الشمس ناعمه في هالحاله اصور قريب من النافذه ولاحظت ان التصوير  من11-3 تبين ظل كبير للمنتج لان الشمس تكون ساطعه وقويه طبعا في حال كان تصويرك منتجات بس ..

الخلفيه

بالانستقرام معتمده على خلفيه بيضاء لان يعطي شكل نظيف واكيد نبي التركيز على المنتج مو شي ثاني ف الالوان الفاتحه افضل بنظري بعض الاحيان ادخل عناصر ثانيه مثل الماربل او اقمشه والورد ..

مو شرط تكونين مثلي لاكن حاولي دايم تكون الخلفيه متناسقه وماتشتت النظر..

الكاميرا

مثل ما قلت من قبل استخدم ايفون ..

كاميرا الايفون قاعده تطور مره عن مره وفيها اوضاع كثيره وتلقط فوكس ممتاز

لاكن في اشياء مهمه لازم تعرفينهاقبل اخذ الصوره  و اولها تنظيف الكاميرا او العدسه امسحيها بقماش قطن في كل مرره بتصورين لان ماتدرين كم مرره لمستي الكام وثاني شي استخدم الوضع المربع لانه متوافق مع الانستقرام نفس الحجم او المقاس 

واخر شي فعلي شبكة الخطوط في الكاميرا لان  الهدف او المنتج لازم يكون على نقطه التقاء الخط الافقي بالراسي وعندك اربع نقط او زاويا ابدعي فيها {حسيت اني اشرح رياضيات المهم ان شاء الله فهمتو

تروحين  الاعدادات ـ صور وكاميراـ شبكه او مربعات ـ حوليها الى الاخضر

التعديل

التعديل مهم يخلي الصوره تبين اجمل واحلى انا استخدم برنامج veco مجاني رائع قليل عليها هنا انا ارفع  الاضاءه شوي واتحكم بالسطوع واغير في temperature دايم اخليها بارده  على ازرق..

يعطيك خيارات كثيره وممكن تنشرين الصوره على اي تطبيق بدون حفظ 

يحتوي على فلاتر كثيره ومتعدده وممكن تلتقطين صور من خلاله ..

تحصلونه في الاب ستور هنا

هنا انستقرامي لو تحبين تابعيني mayaablog  (الظغط على اليوزر يحولك لحسابي مباشره)

هذا كل شي اذا عندكم استفسارات اتركوها تحت وبجاوب عليها كلها ان شاءالله

في امان الله 

2 comments تطبيقات ايفون, Reviews | تجاربي

مكياج + عنايه بالبشره .. منتجات حبيتها | مفضلاتي

مرحبا 

اهلا وسهلا

.

.

اليوم بشاركم مفضلاتي بالفتره الماضيه 

شغله مهمه انا ما انزل مفضلات كل شهر لان مو كل شهر اجرب شي جديد لاكن بعد مرور كم شهر اشوف اكثر المنتجات اللي استخدمها واكتب عنها 

اخر مفضلات نزلتها كانت ب مارس  من خمس شهور تقريبا هنا

مفضلاتي تجمليه وسكن كير هاذي المره وافكر اسوي موضوع عن مفضلات الاطعمه والسناك الصحيه اللي احبها وش رايكم؟؟ 

.

.

يلا نبدا 

.

.

.

.

اول شي ابدا فيه 

هذا الجل من كريولان (ترانسبيرنتجلي)

جل  لأعطاء مظهر التعرق  او ديوي لوك  

تاخذين منه نقطه وتوزعينها على الاماكن اللي تبين يصير فيها لمعه اوتبين صحيه اكثر

و ممكن تخلطينه مع الفاونديشين يعطي شكل نهائي لامع  ويمنع من تقشر البشره انصح فيه للبشره الجافه..

.

.

ثاني شي تحمست له واعجبني لما اخذته 

باليت الكنتور و الهايلايت من NYX

متنوع بالدرجات والهايلايت ويحتوي على باودر بدرجة البنانا اللي تنور الوجه 

مقارنه بسعره يستاهل يندمج بسهوله  كتبت عنه ريفيو  هنا

.

.

ونكمل بالكنتور بعد هذا من ميبلين 

كنتور وهايلات درجتي مديم مرره حابته لانه جاي على رمادي بارد حجمه صغير و استخدمه كل يوم تقريبا +الهايلايت جدا خفيف ف اشوف انه مناسب للصباح  ..

.

.

من ريميل اعجبني الكحل السايل اسود 

اول كحل سايل استخدمه بدون ما احوس فرشته صغيره وسهل في الرسم اشوفه مناسب للمبتدئه وتبي كحل سايل 

ثابت مايسيح او يتقشر ..

انصحكم فيه 

كذا اكون خلصت من المفضلات التجمليه ..ننتقل للمفضلاتي في العنايه موخرا 

اول شي غسول من ذا بودي شوب بالصبار للبشره الحساسه

هو عباره عن رغوه مو سايل لطيف على البشره استخدمه بشكل يومي مرتين صبح ومساء وبعد استخدمه في ازلة المكياج ينظف بشكل فظيع ..

.

.

ثاني شغله هي 

جهاز تنظيف البشره من اولاي

اشوف انه بديل ارخص للبعض الاجهزه الغاليه

الفرشه شعيراتها ناعمه وتغير ويجي بسرعتين ويشتغل بالبطاريه تتبدل كل فتره اذا خلصت

لطيف على البشره مو قوي ينظف بشرتي صح ويتخلص من بقايا المكياج + حجمه صغير وخفيف الوزن 

.

.

اخر شي 

كريم من افين لحبوب او التخلص من الحبوب 

اخذته قبل فتره بناءا على نصيحة الصيدلي بعد ما شرحت له  مشكلتي مع الحبوب تطلع لي كل فتره وتكون مولمه قالي هذا كويس وجربته ينشف الحبه بس يطول ياخذ من 5-8 ايام عشان تختفي تمام ويخفف من الالم ..

 كذا نكون خلصنا 

اتمنى احببتم مفضلاتي و حازت على استحسانكم 

اسعد بتلقي ارائكم حول الموضوع 

لنبقى على تواصل من خلال

انستقرام ـ تويتر ـ سنابشات =mayaablog 

دمتم ب خير :)

Leave a Comment Makeup | مكياج, Skincare | العناية