افضل 6 منتجات جربتها في 2016

مرحبا 

ي هلا فيكم ..

اليوم بتكلم عن منتجات ميك اب جربتها في2016 واعجبتني ..

بديت هاذي السلسله من السنه الماضيه لو حابه تشوفينهاهنا 

في السلسله هاذي اشارك معكم حصلية سنه وافضل شي بالنسبه لي من تجربتي 

 جربت منتجات كثير بس مو كلها كانت كويسه او جيده ف عشان كذا اكتب عن الافضل من وجهة نظري الشخصيه ..

 ..

اول منتج بتكلم عنه

COLOURPOP LIPSTICK

اخذت الروجين هاذي كا تجربه وجدا حبيتها وماتنشف الشفايف وما تروح بسرعه وايضا تعطي لوك مات اللي يميز كلربوب الاسعار المتدنيه وفي متناول اليد والوانها الرائعه  وكثير تكلمت عنهم هنا او في الانستقرام من كثر مو عاجبيني 

HAUTGLANZGELEE TRANSPARENT JELLY

جل  اخضر سايل يوضع على المناطق الجافه او اللي تقشر بعد وضع الميك اب عشان يثبت ويعطي لوك دوي 

لاكن انا افضل اخلط نقطه منه مع الفاونديشن .. الاحظ القشور تختفي لما اسوي هالحركه 

ما ندمت اني اخذته والكميه كبيره على كثر مااستخدمته الا انه باقي ما خلص .

TARTELETTE IN BLOOM

هذا الباليت تكلمت عنه في بوست كامل تحصلونه هنا

تميزت تارت في الشادوات المات والالوان الدافيه 

اشوف انه لازم يكون عند كل بنت 

B B CREAM MISSHA

بي بي كريم كوري اخذ ضجه كبيره وكلنا نعرف ان الكوريين يحبون البشره تبين كلها لون واحد وفاتحه جت فكرة البي بي كريم هذا انه يغطي كل عيوب البشره وفعلا نجح في هذا الشي ايضا يتميز انه مع واقي شمس 

واحب استخدمه في الصباح اكثر شي 

NYX SOFT MATTE LIP CREAM

قوامها كريمي ثقيل ما حسيت انها تجفف الشفايف لاكن ما تطول احتاج اجددها حبيتها لان الالوان تسحر خصوصا ابوظبي وستوكهولم والاحمر هذا خيالي وايضاء اسعارها جيده .

L.A.GIRL POR.conseal

كثير قالو انها تشبه كونسيلر ماك لاكن مااحس كذا اشوفها اثقل من ماك ولازم ادمجها بسرعه قبل تجف اما المصححات سايله ونقطه منها تكفي لو كثرتي اعدمتي الدنيا ..

جدا احب استخدمها دايم 

.
.
.

لنكن على تواصل

انستقرام :MAYAABLOG

سناب شات :MAYAABLOG

تويتر :MAYAABLOG

اكتبو تعليقاتكم حول الموضوع تحت

في امان الله

8 comments Makeup | مكياج