اهلين
كيفكم ؟؟ وش مسوين مع اول يوم دوام؟؟
اتمنى لكم بداية مليئه بالانجازات وكلها نجاح وتوفيق من رب العالمين..
اليوم موضوعي مخصص للامهات او الحوامل
بتكلم عن روتيني اليومي بالعنايه ببشرة اطفالي ..المنتجات اللي استخدمها يمكن بعضكم يشوفها كثيره بس انا تعودت استخدمها من ولدت ف تعودت وصار شي لازم ..
يلا نبدا..
اول شي استخدمه الباودر بعد مااغسل المنطقه الحساسه بالماء الدافي وانشفها والتنشيف مهم لان الرطوبه تسوي التهاب او الحفا زي ماالبعض يطلق عليه (مااستخدم المناديل المبلله الا اذا كنت خارج البيت ) احط الباودر بين يديني وبعدها امسح فيها على بشره البيبي مالقيت احسن من باودر جونسون لاني جربت كثير ولا عجبتني وريحتها مقبوله وفي معطره بس ماتصلح للمنطقه الحساسه من وجهة نظري ..
في حال وجود التهابات او شي استخدم سودو كريم مشكلته ان قوامه ثقيل شوي وياخذ يومين على ما يبين مفعوله بس مااستغني عنه ومرتاحه عليه ...
بعد كذا استخدم كيو في لليدين والارجل وكامل الجسم طبعا مرتين باليوم بس مع الشتاء مع كل تغير ارطب لان بشرة اطفالي صعبه اي تغير في الجو يبين على طول ومااشفت احسن من كيو في صراحه كريم لكل العايله انا وابوهم نستخدمه ب استمرار ..
وقت النوم ارطب الوجه واليدين (الكف والاصابع) ب جل جونسون يخلي الخدود زي القطنه والوجه منور ومتوحد كل يوم مرتين فبل نومتهم بس مره وحده تفي بالغرض في معطر منه بس ماانصح فيه لان ريحته مو ذاك الزود و ايضا استخدمها على الركب لان مع الحبي تخشن وتسبب الم للبيبي طبعا في ربطات للركب بس اطفالي مايحبونها ف الترطيب يساعد في حل المشكله ..
نجي للمرحله بعد الشور الشي اللي اضيفه بعد ما انشف الجسم من الماء باودر من زهور الريف بالياسمين احطها تحت الابط وامسح فيها نتفه على باقي الجسم ريحتها خيال واذا تحرك الطفل تشمينها فوااحه هههههه
ابي انبه على كم شغله:.
الماء مرطب جيد لازم تحرصين عليه لو البيبي يرضع صناعي بعد كل وجبه ..
والترطيب اليومي يغني عن كثير مشاكل ..
بالنسبه للشعر مااستخدم الا شامبو بس بيني وبينكم مالقيت شامبو كويس مااحب ريحة شامبوات الاطفال بس الشكوى لله ..
بس هذا كل شي لليوم ان شاء الله قدرت افيدكم بشي ...
تعالو للانستقرام نسولف ونتعرف على بعض :)
في امان الله ...
