تجربتي مع PHILIPS ZOOM NITE WHITE | تبيض الاسنان بالقوالب

مساء/صباح الخير

^

هلابكم

^

^

اليوم بتكلم عن تجربتي بتبيض الاسنان بااستخدام القوالب من فيليبس~~

اول شي>>>

اسناني صفرا بشكل خفيف بسبب القهوه لاني مدمنة قهوه وكان عندي خيارين تبيض الزوم ان او القوالب طبعا قالت لي الدكتور انو تبيض الزووم ان يسوي الم بسيط وانا وحده (خوافه )وكمان بينت لي ان اسناني مو محتاجه تبيض بالعيادة وان القوالب تفي بالغرض ..

اخذت مقاس للاسنان وبعد يوم طلعت القوالب مرااا مريحة بالبس وماتحسين انها مزعجه ..

طبعا البوكس يحتوي على 9 سرنجات من المادة +القوالب +كتيب للشرح +شريط يبين لون الاسنان تحطينه على اسنانك وتشوفين درجتك طبعا بالاضاءه الطبيعيه الشمس اقصد ... اهم شي لا تتوقعين ان التبيض بيخلي اسنانك لمبه زي تقنية الزوم ان لاكن بيعطيك فرق كبير و واضح ..

البوكس الاسود

طيب ايش الفرق بين القوالب وتبيض العيادة؟؟

الفرق هو الوقت تبيض العيادة بجلسة او جلستين من ساعة ل ساعة ونص وانتي حاصله على النتيجه بس القوالب تحتاج وقت وحصولك على نتيجة التبيض يعتمد على انتظامك ومراعتك للمحاذير والم اخف >>بالنسبة لي ماسببت لي الم الحمدالله والتكلفة تعتبر اقل ..

*طريقة الاستخدام :

تجيبين القوالب وتحطين نقطة صغيره جدا وتلبسينه من 4-6 ساعات بالليل (فترة النوم) وساعتين فترة النهار لمدة14 يوم..

السرنجة الواحدة مكتوب على البوكس انها تكفي ثلاث استخدامات لاكن معي كفت حول 5 استخدامات ..

 لازم تحافظين على نظافة القوالب وتجفيفنها نظفيها بالفرشة  والمعجون قبل وبعد كل استخدام..

*النتيجه هل هي مرضيه ؟

بالنسبة لي مرضيه بنسبة 80% وممكن اكرر استخدامه مره اخرى ..

لاحظت فرق من  ثالث استخدام تقريبا وهالشي ساعدني استمر وكانت النتيجة بريفكت..

صورة توضيحية

*هل تنصحين فيه؟؟

طبعا انصح فيه للبنات اللي اسنانهم صفرا خفيف اصلها ابيض وتبي ترجع اللون ..

 مع المحافظة على نتيجة التبيض بتستمر معك انا سويته ب رمضان وللحين كويس معي..

لو كنتي انسانة تكرهين تتقيدين بشي لفترة معينه ماانصحك فيه..

*اشياء يجيب تجنبها عند الاستخدام:

تقللين من القهوة السودا والشاي..

تشربين العصائر ب مزاز.

تبتعدين عن المشروبات الغازيه لانها تاثر .

نصحتني دكتورتي بمعجون من سسوداين للتبيض بس استبدلته ب معجون كرست 3D WHIT

*اهم شي المادة لازم تحفظينها ب مكان بارد(الثلاجة) لان الحرارة تتلفها..

نتكلم شوي~ عن المادة هي تحتوي على البيروكسيدات ومعروفة هالمادة تستخدم في تبيض الاسنان و وظفيتها انها  تساعِد على إزالة التصبُّغات العَميقة والسطحيَّة. وتجي بتركزين لان كل مريض يطلبون له تركيز مختلف حسب حالته..

اللي عندي هوZOOM NITE WHITE

التركيز الثاني  وهو ZOOM DAY WHITE يستخدم نص ساعة مرتين باليوم وتحصلين على النتائج خلال اسبوعين..

*موانع الاستخدام:

الحوامل والمرضعات.

الاطفال اقل من 13 سنه.

المرضى الذين حاليا من امراض خطيرة مثل ضعف المناعه والايدز وغيرهم  (الله يكافينا وياكم الشر).

* تفااصيل المنتج:

البوكس باللي فيه كان ب700 ريال واشوف انه مناسب..

وبس هاذي تجربتي ان شاءالله اكون افدتكم~~

وسلامتكم~~

في امان الله~~

9 comments Reviews | تجاربي, Skincare | العناية