تجربتي مع قلاية فيليبس Airfryer

مرحبا

كيفكم ؟؟

.

.

{مبارك عليكم الشهر الكريم اعاده الله علينا وعليكم باليمين والايمان والسلامه والاسلام }

موضوعي اليوم من المطبخ عن جهاز سهل علي وغير طريقة طبخي ..

قلاية فيليبس بدون زيت (قلي هوائي) واكيد يفيدكم في رمضان وغير رمضان ..

.

.

ايش تعني تقنية القلي الهوائي؟؟

قلي الوجبات الخفيفة ووجبات الطعام الشهية وخبزها وتحميصها وشويها بنسبة دهون أقل من المقلاة التقليدية، وذلك من دون استخدام الزيت أو باستخدام كمية قليلة جدًا! 

.

.

.

القلايه تحتوي على مروحه تخرج هواء ساخن ..

هاذي الميزه تخلي الاكل يستوي بشكل اسرع والطعم نفس المقلي تقريبا بس دهون اقل وايضا هي مقسمه لدرجات حراره نفس الفرن من ٨٠ الى ٢٠٠ ومدة طبخ نص ساعه اعلى شي (طبعا تتحكمين بالوقت والحراره حسب نوع الاكل) يجي معها كتيب  ارشاد يحتوي على اغلب الاكلات اللي ممكن نطبخها بالجهاز و درجة الحراره المناسبه والمده وطريقة طبخها..

القلايه خفيفة الوزن وحجمها من الداخل مناسب لعائله صغيره  بس يعيبها صوتها مزعج تقريبا ..

 وهي عباره عن قطعتين الجهاز نفسه والشبك او الحوض ..

معها ارتحت من رائحة الزيت المزعجه والاكل الثقيل والدسم وطريقة الطبخ الغير صحي..

ايش ممكن نطبخ فيها؟؟

 خضار 

دجاج كامل 

كباب 

اللحوم بشكل عام

سبرنج رول 

سمبوسه 

خبز منفوخ (اعدم الجهاز لان الدقيق يتطاير)

بطاطس مقلي الجاهز 

البيض 

واختي جربت تسوي كيك وظبط 

شوي الباذنجان عشان المتبل 

تقريبا كل شي صارت يدي اليمين بالمطبخ ..

انا اظيف ملعقة زيت واقلب الخضار كل خمس دقايق ..

وبالنسبه للحوم يفضل تحطين ورق قصدير بالاسفل (على الشبك)

.

.

.

مميزاتها:

سريعه 

حرارتها عاليه 

تطبخ اغلب الاشياء 

الطعم رائع

الاكل مقرمش من الخارج 

انسي حوسة الزيت معها

عيوبها:

تنظيفها من داخل صعب 

صوتها مزعج شوي

سعرها عالي شوي

الحجم الخارجي كبير مقارنه مع الداخل او وعاء الطبخ..

.

.

.

بحط لكم سمبوستي اللي سويتها فيها استخدمت عجينة غوار

دهنتها بنقطة زيت وعلى درجة حراره ١٨٠ ثلاث دقايق لكل جهه 

طلعت مقرمشه ولا تمط بالعكس الذ من الزيت مررا خفيفه تصير

طبعا انا اسويها بعد الاذن واروح اصلي واطلعها شي لذيذ ..

لاكن ماانصح تستخدمون جبن سايل لانه بيذوب ويحوس الدنيا..

.

.

.

الان طلع منها انواع احدث وبتقنيات مختلفه ومع شاشه رقميه جهازي النسخه الاولى بس يلبي الطلب شيكو على موقعهم هنا

اماكن الشراء :

ساكو ــ٥٠٠ ريال 

.

.

.

لا تنسون متابعتي على 

انستقرام

تويتر

سناب شات mayaablog

.

.

.

في امان الله 

8 comments Cook | طبخ, Reviews | تجاربي