ريفيو عن المشط الحراري + صور قبل وبعد

الثلاثاء، 2 فبراير 2016
اهلين 
كيفكم ؟؟ وش مسوين ؟؟
 اليوم البوست بيكون عن المشط الحراري اللي انتشرت بقووه على السوشل ميديا الانستقرام تحديدا ... تستاهل الشهره او لا؟؟   تعالو نشوف .. 

 اول شي بتكلم لكم عنه هو طبيعه شعري ..
شعري جاف شوي من كثر الصبغات وخفيف,, بدايه الشعر ناعم بعدين يكون كيرلي  وفيه نفشه الشي اللي رافع ظغطي وجالسه اعالجه اللحين ..




 نجي للفرشه اخذتها من امازون من وعود المنتج:
 ب انه سريع يختصر عليك الوقت.. 
سهل الاستخدام ..
يعطيك نتيجه نفس flat iron  او السشوار  ..

 **قبل الاستخدام شعرك لازم يكون جاااف جدا او 80٪ جاف 

 انا غسلت شعري واستخدمت بلسم تريسمي نعومه الكيراتين بعدين جففته بالمنشفه و حطيت زيت جوز الهند من النص لحد الاطراف بس نقطه شوي عشان ترطب لان اذا كثرتي الزيت بيدهن الشعر  وتركته ليله كامله لحد ما نشف تماما ..
 بعد كذا قسمت الشعر خصل صغيره مررت الجهاز على كل خصله احتجت امر عليها اكثر من مررره عشان اوصل لنتيجه مرضيه  بس للاسف الجهاز مو كد التوقع اخذت نص ساعه كامل الشعر بالعاده ربع ساعه بالستريتنر ويكون ناعم وبريفكت طبعا شعري قصير.. 
شوفوا شعري هنا قبل وبعد ... مااحس في فرق كبير خفف النفشه بس وصار كانه ويفي





 عيوب الجهاز :
 اخذ وقت عشان يسخن ..
 يقطع الشعر وبشكل كبير..
 يوصل لدرجة حراره ٣٠٠وتطلع منه ريحه مو كويسه ..
 الازرارالجانبيه مجرد شكل يجلس يسخن لين اعلى درجه ما تقدرين تتحكمين فيه ..



  
**بنات انا مااعرف اذا جهازي اصلي او لا لاني لقيت كذا شركه والاسعار قريبه من بعض لو احد يعرف يكتب لي بالكومنت 
 عن نفسي ماراح ارجع استخدمه مرره ثانيه لانه ماناسبني ولا اعطاني نتيجه كويسه وغير كذا قطع لي شعري ..


وبس ان شاءالله يعجبكم الموضوع 
لا تنسون تكتبون تعليقاتكم او تجاربكم مع الجهاز او ارئكم هنا
اتركم في رعايه الله 
احبكم


هناك 21 تعليقًا:

  1. انا استخدمته لاول مرة وعجبتني النتيجة شعري صاير ناعم واعطاني نفس مظهر السشوار .. كان فيه شعيرات ف الفرشة معرف هل هي من الجهاز ولا بسبب التساقط اللي عندي ..
    عملته وشعري عليه ماي وضبط معاي بس اخذت وقت والنتيجة لحد اليوم مستمرة شعري ما نفش وما زال ناعم

    ردحذف
    الردود
    1. ما أدري سراحه بس أنا مااستخدمته وودي استخدمه بس مترددة أحس أن لازم تمشطي شعرك اول بعدين تستخدميه لان اعلاناته تقول بدون ماتمشطي شعرك بس احسه حلوو بس لازم اهتمام للشعر

      حذف
    2. ما أدري سراحه بس أنا مااستخدمته وودي استخدمه بس مترددة أحس أن لازم تمشطي شعرك اول بعدين تستخدميه لان اعلاناته تقول بدون ماتمشطي شعرك بس احسه حلوو بس لازم اهتمام للشعر

      حذف
  2. جميل..انا ما ناسبني حسيته ياخذ وقت بدون نتيجه تستحق..

    ردحذف
  3. من زمان ونا الاستشوار الفرشة ما اقتنع فيه
    ولا بنتيجته على شعري .. وما اعتقد إني رح أجرب هالمشط الحراري
    يعطيكي العافية على الرفيو :)

    ردحذف
  4. انا ما ناسبني بس اتوقع حسب طبيعة الشعر
    الله يعافيك:)

    ردحذف
  5. ماجربته صراحه لكن كان عندي أمل فيهم حسيتهم أكثر أمن من الاستشوار لكن لو صار يقطع الشعر بعيد الشر مو لازم أستخدمه عموما ببحث أكثر عنهم وإذا لقيت معلومه مفيدة بعلمك

    ردحذف
  6. بالنسبه لي قطع شعري واللي ياكدلي هالشي انو التساقط عندي شبه معدووم الحمدالله ..
    ابحثي وشوفي يمكن حسب طبيعة الشعر..

    ردحذف
  7. قبل اسبوع جاني هديه ، جربته مره بس ماكانت تجربة كاملة
    مبدأياً حسيت بنفس شعورك ، لكن باعطيه كذا فرصه

    ردحذف
  8. عندي زيت رووووعه فوق الخيال ينعم الشعر وربي يشهد وعن تجربتي 500ملى ب20ريال بسسسسسسسس لطلب
    0553643170

    ردحذف
  9. غريبة انا عندي زيه من شركةokemaممتاز بالنسبة لشعري وعطاني نتيجة مريضة بس اتفق معاك من ناحية انو يطلع منه ريحة ويجلس وقت طويل عشان يسخن..غير هالسببين مبسوطة من الجهاز

    ردحذف
  10. انا يزبط معي ويسحب الشعر ويطلع حلو المشكلة انه بعد 10 دقايق يرجع ينفش!! عاد كان عندي امل وشريته بمبلغ محترم فإذا حد عنده نفس التجربة ياريت يفيدني كيف ما يرجع ينفش بعد هالوقت القصير!!

    ردحذف
  11. انا يزبط معي ويسحب الشعر ويطلع حلو المشكلة انه بعد 10 دقايق يرجع ينفش!! عاد كان عندي امل وشريته بمبلغ محترم فإذا حد عنده نفس التجربة ياريت يفيدني كيف ما يرجع ينفش بعد هالوقت القصير!!

    ردحذف
    الردود
    1. يمكن تحتاجين تحطين كريم تصفيف او سيروم عشان مايرجع ينفش ....

      حذف
  12. يمكن جهازك مو الاصلي لانو الكل يمدحه

    ردحذف
    الردود
    1. ما شفت احد يمدحه الاراء كانت مختلفه من بنت لبنت 🤔

      حذف
  13. لان بيعمل مثل ماء بالشعر يظل بس ١٠ دقايق ويرجع الشعر مخرب

    ردحذف
    الردود
    1. مافهمت عليك قصدك استخدمه على شعر جاف!؟❤

      حذف
  14. اعتقد هذا مو اصلي.. لأنو شفت كذا فاشنيستا اجنبيات مسويات مقارنه بينه وبين غير مشط وكالن هذا مو زين ومن عيوبة ياخذ وقت طويل وازراره جانبية وهذا مزعج

    ردحذف
  15. كل الي يمدحوه هو واي منتج
    ومن ضمنهم الزيت علشان الإعلان

    حتى الزيت إلى عاملين عليه اعلانات كلام فاضي
    أفضل شي للشعر تغذيه داخلي وخارجي. انصحكم باسبرولينا
    من شركه dxn
    تشربيه وتضيفيه في الماسكات للشعر والبشره ممتاز
    تشتري وتاخدي نقاط لنفسك
    استخدمي نفس كودي حتى تحصلي في البدايه على خصم
    144145719

    والله شعري كان يتساقط وناشف كتير اتحسن بفضل الله. والله على مااقول شهيد

    ردحذف

Top