كيف تحصلين على شفاه ناعمه

الخميس، 30 يونيو 2016


مرحبا
كيفكم ؟

اليوم موضوعي عن الشفايف اول شي يلفت نظري بالبنت اذا ناعمه او متشققه لان منظر الشفايف التعبانه مقزز والروج يبين مبهذل !!

بتكلم عن روتيني البسيط والغير متكلف وفعلا تغيرت شفايفي وصارت ناعمه ومورده اكثر قبل كانت تتقشر ومسمره وع طول ناشفه مع اني كنت ارطبها ب استمرار بس اكشفت ان الترطيب ما يكفي لحاله !!!😭



قبل خلوني اكلمكم عن بعض العادات الخاطئه المسببه للجفاف واسمرار وتشقق الشفايف:
1-لعق الشفايف يعني اذا مررتي لسانك عليها
2-استخدام ارواج رديئه او رخيصه
3-عدم شرب الماء بشكل كافي
4-انعدام الترطيب
5-الشمس+ نقص بعض الفيتامينات

تقريبا هذا اكثر شي يسبب تشقق الشفايف ومرات يكون التهاب فطري !!

روتيني انا جدا بسيط مااحب المنتجات الكثيره والحوسه اللي تكرهك بالشي معتمده على خطوات بسيطه وسهله وبشكل اسبوعي ويومي اللي هي    (تقشير +ماسك + ترطيب)
التقشير بشكل اسبوعي وبسيط  والماسك ممكن مرتين بالشهر اما الترطيب كل يوم وعلى مدار اليوم ..



الخطوه الاولى: طيب ايش نحتاج للتقشير !؟؟
طريقتي صراحه ممكن تكون معروفه للكل مو شي جديد وهي
فازلين + سكر + فرشه اسنان ناعمه او ممكن تكتفين ب اصبعك
طبعا اول شي اخلط كميه صغيره من الفازلين مع سكر ناعم الحبيبات وبعدين ابلل شفايفي بماء وامد الخليط اللي سويته
وافرك بشكل دائري وخفيف بواسطة الفرشه اهم شي لا تتحمسون وتسونه بقوه لانه ممكن يسبب خدوش للشفايف والتهاب
اسويه مره بالاسبوع وبعدها ارطبها ..



الخطوة الثانيه :الماسك
واكثر ماسك عجبني و هو مخصص للشفاه الجافه ماسك من ذا فيس شوب مررا جميل ويرطب بشكل ملحوظ وريحته مقبوله
تتركينه من 10-20 دقيقه وبعدها بتحصلين شفايفك ناعمه مرااا مفعوله يجنن يا بنااااات ...




الخطوه الثالثه :الترطيب
قبل كنت استخدم بزليين  بالعسل كان جميل بس مفعوله يطول عشان يبين ولو نسيت يوم ما حطيت شفايفي تيبس وكنت استخدم مرطبات ثانيه بس ماشفت لها مفعول لحد ما طحت على مرطب زبدة الكاكو من اي هيرب من اول استخدام عطاني نعومه وجد مااستغني عنه وسعره مرره رخيص .
انتبهي تحطين فازلين وتطلعين بالنهار لانه راح يسمر شفايفك ..

وبس هذا موضوعي  كتبته لان دايم اشوف بنات يعانون من تشقق الشفاه مع انها ترطب !!

اسعد بتعليقاتكم هنا او في
الانتسقرام وتويتر والسناب :mayaablog

في امان الله ❤️



تجربتي مع قلاية فيليبس Airfryer

الأحد، 5 يونيو 2016


مرحبا
كيفكم ؟؟
.
.
{مبارك عليكم الشهر الكريم اعاده الله علينا وعليكم باليمين والايمان والسلامه والاسلام }

موضوعي اليوم من المطبخ عن جهاز سهل علي وغير طريقة طبخي ..
قلاية فيليبس بدون زيت (قلي هوائي) واكيد يفيدكم في رمضان وغير رمضان ..
.
.


ايش تعني تقنية القلي الهوائي؟؟
قلي الوجبات الخفيفة ووجبات الطعام الشهية وخبزها وتحميصها وشويها بنسبة دهون أقل من المقلاة التقليدية، وذلك من دون استخدام الزيت أو باستخدام كمية قليلة جدًا! 

Top