تجربتي في فطام طفلي عن المصاصة(اللهاية)

صباح | مساء الخير

هلابكم

اليوم بتكلم عن طريقتي في فطام طفلي عن المصاصة او مايسمها  البعض اللهايه...

بتكلم لكم شوي عن ولدي اشلون متعلق فيهاا عطيته المصاصه من عمر 4 شهور وعلى طول تقبلها من الرغم انه ماكان يبكي يعني مو مزعج اسم الله  عليه لاكن الاطفال يحبون المصاصة لانه سبحان الله تهديهم المهم  اسمترت معه لسنة وسبع الشهور ..

Read More | المَزيد

Leave a Comment امومة

مفضلاتي لشهر OCT | بشره . شعر .مكياج !

مرحبا .. هلاوالله فيكم....
موضوع اليوم بتكلم فيه عن اشياء جربتها ب OCT وحبيتهااا ...
يلا نبدااااا...

favorites

بتكلم اول شي عن مفضلاتي لمنتجات الشعر..

Read More | المَزيد

4 comments Hair | شعر

عام جديد سنة جديدة 1437| تفاصيل كثيرة

مرت سنة بحلوها ومرها وبدا عام 1437 وكلي تفائل انه بيكون افضل واحسن ....
حصلت مواقف كثير بالسنة الماضية اشياء كنت متوقعه انها بتكون سيئه لي لاكن قد تكرهو شيا وهو خير لكم ..
تصير للواحد اشياء يكون مو حابها بس ممكن تكون خيره له او سعاده
المفروض انا ماننزعج من الاشياء اللي تصير لنا بحكم القدر ونصبر ونحتسب ..

الصبر .. الصبر.. الصبر..

الصبر شي مهم للحصول ع الشي اللي تبينه 
اذا تبغين شي اصبري واعملي من اجله...

طبعا مع بداية السنه وبالانستقرام كيف الناس متحمسه وتهني جلست افكر اني ماابيها تكون ايام تمشي بدون تخطيط نفس السنة اللي قبل ... في بالي اشياء كثيره ودي اسويها خلال 1437 واكيد انتم نفس الشي .. لكن وش اللي يعطلنا عن اهدافنا؟؟؟

في السنه الماضيه ابتدت بولادة بنتي وتخرجي ولله الحمد وانتهت ب أداء فريضة الحج ولله الحمد والمنه....


 بالحج تعلمت اشياء كثيره 
تعلمت الصبر على الزحمه والحر واخلاق الناس اللي كانت شوي خايسه وتعلمت عدم الثقة في احد لانه صارلي موقف لا احسد عليه جد زي ما يقولون اصابعك مو سواا مو كل الناس كويسه وطيبه ولا العكس اكيد ..

بس صراحة الحج يذكرك بااهوال يوم القيامه طبعا اذا قريتو سورة الحج بتفهمون كلامي والروحانيه جدا عاااليه شي جميل ودي اكرره اذا كتب ربي ....

مع الاطفال والدوامات الواحد مرات ما يلحق وممكن ينسى نفسة هنا يجي فايدة التخطيط طبعا قاعدة احاول وكل مرره يفشل تخطيطي بس ما زلت مصرره جدا ..

الحياة مو كلها عمل وكد المفروض الواحد ماينسى نفسه لازم كل وحدة يكون لها وقت خااص خصوصا الام  لان مع البزارين الوقت يطير لازم تعودين اطفالك ان هالوقت من اليوم لك انتي في البدايه بيبكون بس بعدين بيتقبلون خصوصيتك هالطريقة استخدمتها مع ولدي ونفعت اهم شي تاكدي ان مافي شي خطر حوله.......

بحكم ان امي فالوقت ضيق عشان كذا ساعة في اليوم كافية لي اقرا فيها او عنايه او اشوف المدونة......
وطبعا كل ام و وقتها....

ليش فتحتي المدونة؟؟
انا احب اكتب واحب اشارك غيري افكاري او تجاربي وطبعا تجاربي في كل شي ...


كيف ترتبين وقتك؟؟
افضل شي ومن خلال تجربتي 
1تحديد هدفك 
وش تبين ؟ وايش تسوين عشان توصلين له؟ العمل من اجل الهدف؟؟
هالاسئله بتساعدكم كثير..

2كتابة الاعمال اللي تبين تنجزينها في اليوم وتكون اقل من سبعه
طبعا ما ينفع تكتبين 10 اشياء بتسوينها لان الحماس الزايد بيخرب كل شي ..

3سوي الاشياء اللي كتبيتها اول اليوم لانك بتكونين شبعانه نوم وعندك طااقه وباقي اليوم سوي الاشياء اللي ما تحتاج تركيز لان طاقتك قربت تخلص مثل اعمال البيت من تنظيف وغيره وغيره ماهي محتاجة تركيز خليها فتره الليل قبل النوم مثلا..

4كافيئ نفسك باللي انجزتيه عشان يتجدد نشاطك .

طبعا انا جربت هالاربع نقاط وكانت جدا نافعه معي اتوقع قريت عنها في النت هالطريقة...
وبس ان شاء الله كانت التدوينه خفيفه عليكم واستفدتو منها ..تكلمت فيها كثير مدري فتحت وجلست اكتب عن كل اللي بخاطري تحملوني<<فيس خجول

في امان الله....

,

Leave a Comment