Review| باليت الكونتور والاضاءه من NYX

الاثنين، 29 أغسطس 2016


مرحبا
كيفكم ؟؟

اليوم موضوعي عن باليت الكونتور من نكس مثل مو ظاهر من العنوان..
بالبدايه انا افضل الكونتور الباورد على الكريمي لسهولة الدمج وبسرعه عكس الكريمي ياخذ وقت بالدمج وبالنسبه للباودر اخلصه بخمس دقايق ..




هذا الباليت يعتبر صفقه رابحه لانه من منتجات الدرق الستور ويحتوي على تنوع بالدرجات وسعره في متناول اليد
و جودته عاليه ...

يحتوي على اربع درجات للكونتور واربع درجات للاضاءه اثنتين ب لمعه..

و درجة البنانا جدا رائعه فيه وتنور منطقة تحت العينين اما بالنسبه للكونتور ماكانت كلها مناسبه لي لان اول درجه غامقه  من اليمين جدا ومايله للبني الصريح و اخر درجتين من جهة اليسار جايه على برونز اما ثاني درجه من اليمين جدا رائعه لانها مايله على الرمادي واللون بارد ف جدا مناسبه للكونتور او التحديد بس ما تنفع لتحديد الانف..

للانف استخدم اخر لونين من اليسار ..





من خلال استخدامي له اكثر من مره لاحظت انه سهل الدمج يتوزع بسهوله مااخذ وقت معه اللون غني ويبين من اول مرره وملمسه مخملي ..

اما بالنسبه للاضاءه في درجه مايله على وردي بلمعه جدا جميله واستخدمها  اما الثانيه ب لون ابيض مااحس انها تناسب لون بشراتنا ممكن تناسب لبشره فاتحه جدا مثل نيكول كدمان
اما البنانا مثل ماقلت رهيبه لتنوير الوجة او بعض الاماكن ..





مميزات الباليت الكونتور من نكس:
*سعره مقبول
*متنوع بدرجات الكونتور يناسب اغلب البشرات من الفاتحه للغامقه
*اللمعه جدا ممتازه
*درجة البنانا جميله واستخدمها بكثره
*حجمه مناسب
*اللون واضح جدا
*سهل التوزيع والدمج

هنا السواتش 
لاحظو درجة الكونتور الثانيه والرابعه(اليمين) اكثر شي استخدمه ومناسب لتحديد الوجه ..



و بكذا وصلت لنهاية الموضوع اتمنى اكون افدتكم 
وبالنسبه للاماكن الشراء 
سنتربوينت - امازون 

تابعوني على انستقرام وسناب شات :mayaablog 

في امان الله 






Dry Brushing | تمشيط الجسم الجاف ايش يعني وكيف يستخدم

الجمعة، 12 أغسطس 2016

مرحبا 
كيفكم ؟؟
.
.

موضوعي اليوم عن روتيني الاسبوعي بعنايتي بالجسم +تقنية التمشيط الجاف للجسم 
تعتبر سر من اسرار الجمال والنعومه 
.
.
مثل ما تعودتو علي مااحب الخلطات والخرابيط الكثيره انا اعتمد على اشياء سهله وبسيطه وماتاخذ وقت 
مرره بالاسبوع اسوي هذا الروتين وجدا نتايجه مبهره من نعومه والتخلص من المسامات اللي تظهر بعد الحلاوه او الشمع + توحيد اللون ..

.
.
.

اول شي ابدا فيه هو الفرشه هاذي استخدمها قبل الاستحمام  والفرشه تكون جافه طبعا وابدا امررها من تحت لفوق على نفس المكان ثلاث مرات وابد مافي الم قوي شي يدغدغ بس ههههه الخطوات تكون باتجاه القلب  اهم شي لا يكون بقوه عشان ماتسببين بخدش الجلد وابتعدي عن اماكن الجروح اذا عندك..
الفرش هاذي تجي ب اشكال واحجام مختلفه وهي مخصص لكذا تحصلونها في ذا بودي شوب 

فايدة هذا التكنيك ينعم بشره الجسم بدرجه كبيره  والتخلص من الجلد الميت ويقلل من السليوليت  واذا عندك سترش ماركس يساعد بتخفيفها ايضا يساعد بتنشيط الدوره الدمويه  وتجدد الطاقه بالجسم هذا التكنيك يسمى التمشيط الجاف او (Dry brushing) نتائجه مبهره يا بناات 

.
.
.
.

بعد كذا ابلل الجسم واستخدم سنفره من باث اند بودي وركس بالسكر جدا جميله ريحتها فظيعه مع التقشير يبدا السكر يذوب اللي يميزها ان معها رغوه يعني ماتحوس الدنيا والحمام تكرمون مثل باقي السنفرات 
اوزعها على الجسم وباستخدام القفاز  من ذابودي شوب ابدا افرك بحركات دائريه خفيفه ..


.
.

واكمل خطوات الحمام المعتاده من شور جل وشامبو ..

اخر شي الترطيب 
من الاشياء اللي جابت نتيجه قويه معي هو زيت جوز الهند اخذ قطرات بسيطه جدا وازعها على جسمي بعد  التجفيف من الماء ولا تخافون ما يكثر الشعر بس نقط بسيطه او ممكن تستخدمين زيت مخصص للجسم ..
وبعد كذا استخدم كريم او لوشن ومرات زبده الشيا حاليا استخدم جيرجينز خفيف ما يدبق و ريحته مستحبه ..



.
.

هذا كل شي 
اتمنى اكون افدتكم وكانت تدوينه خفيفه عليكم 
تهمني تعليقاتكم او لو جربتو طريقتي شاركوني 
تلاقوني على تويتر وانستقرام وسناب شات بنفس الاسم :mayaablog 

في امان الله 




تقيمي لفرش سيقما | REVIEW

الأربعاء، 3 أغسطس 2016
مرحبا

كيفكم؟؟

حابه اتكلم اليوم عن فرش سيقما وجودتها صار لي استخدمها من اربع سنين تقريبا وما غيرتها للان ولا حاولت اجرب غيرها حسيت انها مكفيتني وللحين كانها جديده ..


فرش سيقما تتميز بالشعيرات الناعمه جدا و سعرها المرتفع شوي  اتذكر المجموعه اللي اخذتها ١٢ فرشه ب ٣٠٠ ريال 
اعجبني فيها ان شعر الفرش ما تساقط الى الان ومع الغسل والاستخدام ماخشنت او خربت 
قبل كنت استخدم فرش يطيح الشعر على وجهي قمة المعاناه ..





المجموعه هاذي  تتكون من ١٢ فرشه اربع للوجه وثمان فرش للمكياج العيون 
في فرشة مفقوده صراحه لاني ماستخدمها فقررت استغني عنها 


يلا نبدا 
.
.
.

فرش الوجه  (مرقمه بالترتيب)

 ١*فرشة الفاونديشين رقمها F60
جدا ممتازه للتوزيع الاساس السائل ما تظهر خطوط على سطح البشره  مثل بعض الفرش بفضل راسها الحاد يسهل توزيع  الاساس في الاماكن الصغيره مثل زاوية العين او الانف 
استخدمها غالبا..

٢* للكونتور رقمها F40
مثل مو شايفين تجي مشطوفه او مثل الزاويه  سهله الاستخدام وحجمها مناسب انا مرات استخدمها للبلش بعد زاويتها المشطوفه تساعد ان الكونتور يجي مظبوط لانك بتاخذينه من فوق لتحت على نفس الخط..

٣* فرشة الباودر رقمها F30
كبيره جدا سطحها غير متساوي  توزع الباودر بشكل ممتاز مشكلتها انها تاخذ كميه كبيره من المنتج  شعرها نااعم جداااا ..

فرش العيون 
 ١* للاي شدو رقمها E55
استخدمها لتوزيع الشدو على الجفن المتحرك واسفل الحاجب شعرها ناعم ..

2* فرشة الكونسيلر رقمها F70
هاذي الفرشه جدا ممتازه في توزيع الكونسيلر تحت العين او تحت الحاجب حجمها صغير يعيبها هالشي لان تاخذ وقت ..

٣*فرشة مشطوفه  رقمها E70
تنفع للجفن الثابت او لو حابه تسحبين الشدو للبرا لانها مايله بتعطيك لوك جميل ..

٤* فرشه الشدو كبيره رقمهاE60
 اذا ابي اوزع لون واحد على كل العين بحكم حجمها هي كبيره وبيني وبينكم نادر استخدمها ..

٥* فرشة مشطوفه صغيره رقمها E65
لها استخدامين للحواجب او الاي لاينر طبعا للحواجب اشوف انها ممتازه لانها صغيره فترسمين فيها حواجبك بدقه وشعره شعره .

6* فرشة الاي لاينر E05
مااستغني عنها ورسم الكحل فيها اشوفه اسهل من المشطوفه لانك تتحكمين بالعرض وشكل الخط من برا..

7*فرشة القلم رقمها E30
لتوزيع الشدو تحت العين او الاضاءه في زاوية العين صراحه مااستغني عنها ..

٨* فرشة الدمج ورقمها E40
محبوبة الكل اللي عندي كبيره شوي لاكن دمج الشدو فيها رائع استخدمها دايم ..

.
.
.

غسل الفرش والعنايه فيها
يفضل استخدام صابون مخصص او غسول الوجه اللي تستخدمينه لاكن ابد لاتستخدمين شامبو الاطفال لان لاحظت انها تيبس او تخشن شوي بعد الغسل ..
تبللين الفرشه بالماء وتحطين الغسول وتحركينها على باطن اليد يمين ويسار وبشكل دائري وبعدها نظفيها من الغسول ونشفيها بشكل واقف  بالطول يعني الشعر تحت ..

رابط الشراهنا


ان شاء الله اكون وفقت وقدرت افيدكم 
تابعوني على تويتر وانستقرام وسناب شات :mayaablog 
اسعد بتلقي تعليقاتكم هنا 
.
.
.

في امان الله
Top