ماسك مرطب من اوزناتشرز|Amino herbal hydration maske

 هلا بكم ..

 منورييين ..

البوستات صارت تنزل كل ثلاثاء باذن الله ...

 اليوم موضوعي بيكون عن ماسك اخذته من OZ NATURALS للبشره الجافه ..

 

 خلوني ابدا اول شي بمكونات الماسك :

 المكون الاساسي اللي فيه هو الصبار والجلسرين وبعض الزيوت مثل زيت الجوجوبا وايضا بعض الفيتامينات مثل بي٥ وفيتامين اي ويدخل فيه بعض البروتينات ...

 

 الماسك مرطب للبشره الجافه ويقي من علامات الشيخوخه ويعطي نظاره ولوك صحي للبشره ..

 يغذي ويرطب بشره الوجه ...

 

قوام الماسك:

مثل الجل شفاف مايل للابيض لان الصبار هو المكون الاساسي له ..

  

 طريقة الاستخدام :

 بعد تنظيف البشره بالغسول وتجفيفها تاخذين منه وتمدينه على كامل الوجه ماعدا منطقة ماحول العينين ويترك لحوالي من١٥-٣٠ دقيقه بعدين تغسلين البشره وترطبين بكريم او سيروم حسب ايش تستخدمين..

 

 رأي عن الماسك:

 اخذت الماسك هذا لانه خفيف وبشرتي جافه ماتتحمل اغلب الماسكات اللي في السوق (قويه) اول ماستخدمته لفت نظري ريحته الغير محببه لي تقريبا كانها ريحة جزر للمره الاولى مزعجه خاصه انها تضل معك الريحه لحد ما تغسلين بشرتك ..بعد الاستخدام الاول حسيت بشرتي نديه كذا ورطبه وباين عليها مظهر صحي حبيته مع ان رائحته كريهه شوي بس اعتدت عليها ..

هذا الماسك خفيف ويعتبر يومي بس انا استخدمه مره في الاسبوع وقبل المناسبات لانه مغذي ومرطب في نفس الوقت وايضاء النتيجه تستمر معك الايام الاولى بعد الاستخدام تحسين بشرتك فيها شي ..عجيييب 

 

ايضا بعد ما توزعينه على بشرتك بتحسين ببروده بارد على البشره بس يجف تروح بعد مايجف بعطيك احساس شد بس خفيف لايذكر ..

من مميزايته :

شفاف عند وضعه على البشره محد يدري انك حاطه ..

ينشف بسرعه ..

يزال في كل سهوله..

اماكن الشراء:

امازون مااعرف اذا متوفر هنا اول ..

رابط الشراء في بوست المشتريات هنا 

بنات انبسط بتعليقاتكم ورائكم حول الموضوع ..

تابعوني على الانستقرام وتويتر::@mayaablog 

اتركم في رعاية الله 

5 comments مشترياتي, Reviews | تجاربي, Skincare | العناية

REVIEW|Tartelette in bloom+لوك ناعم

مرحبا 

 كيفكم ؟؟ وش مسوين 

 طلبت قبل فتره باليت من تارت اي شادوز  من امازون تدوينة المشتريات

 هذي البراند تسحرني الوانهم جميله وناعمه بس الاسعار مرتفعه شوي 

 طبيعة الظلال رطبه يعني مو جافه تتناثر ولا كريمه ان شاالله فهمتو علي ملمسها مخملي والباليت الوانه ترابيه على كم لون للسموكي وكلها مات ماعدا ثلاثه بس ..

 اشوفه حلو للمكياج اليومي والسهره يتكون من ١٢ لون للشادو  بالنسبه لي اعتبره صفقه رابحه لانها الواني المفضله في باليت واحد .. . 

التغليف شي جميل الباليت فخم ولونه ذهبي ويحتوي على مرايه اهم شي بالنسبه لي ..

 اللي يميز تارت انهم يصنعون المواد من اشياء مفيده ومافيها ضرر وكمان تحتوي المنتجات على فيتامينات وعناصر مغذيه ..

 طبعا استخدمت الباليت اكثر من مرره عشان احكم عليه مظبوط اول شي لاحظته ان تناثر الظلال خفيفه مو مثل كثير براندز وكمان يدوم من ٤-٦ ساعات بعدها تحسين بدا يخف اللون ..

 لفت نظري الالوان فاتحه بس تبين من اول مرهه نادر اكون احتاج اكثر او اغمق اللون بس يمكن لاني مااحب اللوك الحاد والقوي  ..

 جد مناسب للبنات اللي يحبون اللوك الناعم ..

هنا السواتشز  ...في لون ناقص انتبهت لما رفعت الصور اعذروني :)

هنا اللوك اللي عملته على عيني ..

وبس هذا كل شي لا تنسون تواصل معي على

الانستقرام و تويتر:@mayaablog

وايضاء اشتركو في القائمه البريديه عشان اي بوست جديد ..

اتركو لي تعليقاتكم هنا :)

2 comments Makeup | مكياج, Reviews | تجاربي, Skincare | العناية

ريفيو عن المشط الحراري + صور قبل وبعد

اهلين 

كيفكم ؟؟ وش مسوين ؟؟

 اليوم البوست بيكون عن المشط الحراري اللي انتشرت بقووه على السوشل ميديا الانستقرام تحديدا ... تستاهل الشهره او لا؟؟   تعالو نشوف .. 

 اول شي بتكلم لكم عنه هو طبيعه شعري ..

شعري جاف شوي من كثر الصبغات وخفيف,, بدايه الشعر ناعم بعدين يكون كيرلي  وفيه نفشه الشي اللي رافع ظغطي وجالسه اعالجه اللحين ..

 نجي للفرشه اخذتها من امازون من وعود المنتج:

 ب انه سريع يختصر عليك الوقت.. 

سهل الاستخدام ..

يعطيك نتيجه نفس flat iron  او السشوار  ..

 **قبل الاستخدام شعرك لازم يكون جاااف جدا او 80٪ جاف 

 انا غسلت شعري واستخدمت بلسم تريسمي نعومه الكيراتين بعدين جففته بالمنشفه و حطيت زيت جوز الهند من النص لحد الاطراف بس نقطه شوي عشان ترطب لان اذا كثرتي الزيت بيدهن الشعر  وتركته ليله كامله لحد ما نشف تماما ..

 بعد كذا قسمت الشعر خصل صغيره مررت الجهاز على كل خصله احتجت امر عليها اكثر من مررره عشان اوصل لنتيجه مرضيه  بس للاسف الجهاز مو كد التوقع اخذت نص ساعه كامل الشعر بالعاده ربع ساعه بالستريتنر ويكون ناعم وبريفكت طبعا شعري قصير.. 

شوفوا شعري هنا قبل وبعد ... مااحس في فرق كبير خفف النفشه بس وصار كانه ويفي

 عيوب الجهاز :

 اخذ وقت عشان يسخن ..

 يقطع الشعر وبشكل كبير..

 يوصل لدرجة حراره ٣٠٠وتطلع منه ريحه مو كويسه ..

 الازرارالجانبيه مجرد شكل يجلس يسخن لين اعلى درجه ما تقدرين تتحكمين فيه ..

  

**بنات انا مااعرف اذا جهازي اصلي او لا لاني لقيت كذا شركه والاسعار قريبه من بعض لو احد يعرف يكتب لي بالكومنت 

 عن نفسي ماراح ارجع استخدمه مرره ثانيه لانه ماناسبني ولا اعطاني نتيجه كويسه وغير كذا قطع لي شعري ..

وبس ان شاءالله يعجبكم الموضوع 

لا تنسون تكتبون تعليقاتكم او تجاربكم مع الجهاز او ارئكم هنا

اتركم في رعايه الله 

احبكم

21 comments Hair | شعر, Reviews | تجاربي, Skincare | العناية