مساء/صباح الخير
كيفكم ان شالله بخير وصحه يارب
اشتقت لكم واشتقت للتدووووين
المعذره طولت مانزلت شي انشغلت مع الاهل الي متابعني بالسناب بيعرف وش اتكلم عنه ..
ب بوست اليوم بتكلم عن منتجات جربتها في 2015 ممكن تعتبرونها مفضلاتي الاخيره لهذي السنه
يلا نبدا مع فاونديشين ميك اب فور ايفير
foundation makeup for ever ultra HD
سويت عنه ريفيو كامل بس بتكلم عنه على السريع .. قوامه سائل وينفع لكل البشرات وايضا درجاته كثيره
خفيف على البشره تغطيته متوسطه الى عاليه حسب كم طبقة تحطين ..جميل استخدمه كل يوم حبييته ..هنا
Sleek brow kit
باليت حواجب من سليك عباره عن جزء كريمي وباودر مثل مو واضح بالصوره درجتي Extra dark بني غامق سهل ينمد .. فظيييع وسهل ترسمين فيه .. تبدين بالجزء الكريمي وتثبتين بالباودر.. صرااحه مااستغني عنه الدرجة كثير تناسب اللي شعر حواجبهم اسود او بني غامق ..
NYX liquid illuminator
اضاءه سايله من نكس يا زينها تعطي دوي لوك وتوهج للبشره مرره حلوه اعتبرها البديل الارخص ل high beam من بينفيت طلبتها من امازون .. المشكلة الوحيده فيها انها تخف مع مرور كم ساعه :(
Givenchy noir couture mascara
مسكارا جفنشي وصلتني من قلام بوكس فظيييعه تعطي كثافه وسوواد رهيييب مدري كيف اشرح لكم لاكن جد حبييتها تكلمت عنها بمفضلاتي
Chanel concealer
هذا الكونسلير مدحته لي موظفة سيفورا وعلى كد المدح اول شي ما يخطط تحت العين وسهل ينمد وماينشف ويكتل بلعكس جمييل واهم شي مايقلب رماادي واطلع كني زومبي مدري كم درجته بس مكتوب عليه رقم 10 اذا هي درجته او لا مااعرف :)
وبس هذا كل شي لليوم اتمنى اني افدتكم
تابعوني على الانستقرام وتويتر :)
0 comments:
إرسال تعليق