مشترياتي من موقع انستازيا | ANASTASIA HAUL

مرحبا 

كيفكم ؟؟طمنوني عنكم.

تاخرت في كتابة البوست لان حصلت لي ظروف غصب عني ..

بس اهم شي رجعت لكم ..

من فتره كان البلاك فرايدي وهو الجمعه السوداء واللي مايعرفها تكون اخر جمعه في نوفمبر وكل المحلات والمواقع الامريكيه تسوي تخفضيات و خوصمات توصل ال70% ..

وانا من فتره ودي بكم غرض من انستازيا ف قلت خليني انتظر واجرب يمكن اطلع بخصم يسوى .. مالكم بالطويله وخلوني استعرض لكم مشترياتي البسيطه .. وكانت ثلاث اشياء وجد حابه اجربهم ب اقرب فرصه ومنها اجرب الطلب من موقعهم اون لاين..

بالنسبه للطلب جدا سهل .. مايحتاج بريد امريكي ..

اما بالنسبه للتوصيل مقدر احكم عليه لانها فترة ظغط  بالنسبه لهم وتخفيضات لاكن صديقتي طلبت و وصل خلال اسبوع اما انا فطولت اخذت اسوعين تقريبا 

وايضا سحبو المبلغ دبل ,,وبعد الشحن رجعو الباقي+انهم بعد وصول الطلبيه ارسلو لي انها شحنت>>صح النوم انستازيا 😌

المهم وصلت وكانو مهتمين بالتغليف ,,حسافه ما صورت البوكس 

ايش طلبت و رائي فيه ..

*باليت MODERN RENASSANCE 

هذا الباليت شفت ريفيوهات عنه كثير وحبيته وكنت ابي اطلبه لاكن مقطوع من فتره وبالبلاك فرايدي لقيته بالموقع رجع من جديد بس ماعليه خصم كان ب42$ ..

تقريبا كله مات وكم لون ب لمعه وحسيت انه يناسب الشتاء خصوصا اني طايحه بغرام الالوان المحمره ..

بنفس الباليت فرشه مزدوجه جهة للتوزيع الشدو وجهه للدمج 

اكثر شي اعجبني او اذهلني فخامة الباليت صاير مثل الشامواه من برا وبصراحه خايفه عليه يتوصخ 😐

بالنسبه للشدو نفسه يعيبه انه يتناثر شوي ..بس الالوان قويه و واضحه ..

*باليتGLOW KIT 

عباره عن اربع درجات من اللمعه او الهايلايت برونزيه تقريبا تدرج من الفاتح للغامق 

دايم اسمع مدح عن اضاءت انستازيا وهذا قررت اخذه لانه اربع درجات في باليت واحد يعني اقدر اغير او ادمج اضائتين مع بعض

لفت نظرني انها ناعمه جدا حبوب اللمعه بالكاد تبين 

ف تعطي لوك متوهج ومشرق بدون يبين اوفر .

ومازال تحت التجربه ..

*قلم الحواجب BROW DEFINER

ومين ما يعرف قلم الحواجب من انستازيا ؟؟ اشهر من النار على العلم ..

انا جربت اقلام حواجب قريبه من فكرة انستازيا ,توم فورد وغيره وابد ابدا ماحبيته اللون بصعوبه يطلع وممكن تتساقط بعض شعرات الحاجب,,لاكن شفت هذا عليه مدح مو طبيعي مافي يوتويبر او بلوقر ما مدحته ..

بالنسبه لي ما فرق عن البقيه اللي جربتهم الا بشي واحد ان اللون يبين غامق مو خفيف ..

انا استخدم الجل دايم او القلم العادي ممكن هالشي اللي مخليني مو متقبلته ..

وبس هذا كل شي 

اتمنى افدتكم 

اذا جربتي شي من هاذي المنتجات اكتبي لي رايك او اذا مجربه شي مختلف من انستازيا شاركني ايضا؟؟

لنكن على تواصل من خلال:تعالو والقو التحيه 😍😍

انستقرام:mayaablog

تويتر :mayaablog

سناب شات :mayaablog

في امان الله 💓

7 comments مشترياتي, Makeup | مكياج, Reviews | تجاربي