8 نصائح لمساعدتك في الانتقال الى منزل جديد

مرحبا

ي هلا فيكم

اتمنى تكونون بخير

.

.

اذا متابعيني على الانستقرام والسناب اكيد عارفين اني نقلت من البيت الى بيت ثاني جديد ..

النقل موضوع مو سهل ويحتاج جهد و وقت  وترتيب بس في حالتي ماكان في وقت ابد

عندي اسبوعين ولازم اخلص فيه ..

في البدايه كنت مشوشه ما ادري ابدا من ايش ولا شي ولا كنت عارفه ايش بحتاج عشان ترتيب الاغراض ..

بعد البحث  وبعد ما جربت  حبيت انقل لكم تجربتي  ..يمكن احد يستفيد بشي لو بسيط

يلا نبدا

.

.

*لا تاخذين منتجات غذائيه قبل النقل ب اسبوعين

خلال الاسبوعين حاولي تستخدمين الاكل والاغراض الباقيه لا تقضين او تشترين اكل زياده 

 هذا الشي بساعدك ان ماتشيل هم الاكل الباقي و لا تحتارين كيف تاخذينه معك .

.

.

*لازم يكون عندك بوكسات بحجم كبير (كرتون)

ممكن تشترينها او تاخذينها من المحلات والسوبر ماركت ..

انا جمعتها من المحلات لان ما ادري وين تباع و مافضل اشتريها ..

*ابدئي بمكان واحد

ابدائي دايم بغرفه وخلصيها وبعدها اتجهي لمكان ثاني في البيت هذا الشي بخليك ما تفقدين تركيزك وتوترين 

وبعد تخلصين اسرع 

.

.

*تخلصي من الاشياء الزائده 

وانتي ترتبين الاغراض تخلصي من الاشياء عديمة الفايده والملابس الممزقه و الملابس التي لاترتديها من خمس اشهر 

اذا جيده رتبيها و خوديها للجمعيه 

.

.

*المطبخ

ابدئي بدولاب واحد وخلصيه اذا عند اوني من الزجاج استخدمي لها الرول البلاستيك اللي يجي دايم عليه زي الكور <<ان شاءالله فهمتو 

اذا ما حصلتيه استخدمي ورق جرايد 

لفي الورق على الكوب والباقي حطيه داخل الكوب 

الملاعق جمعيها مع بعض واربطيها او استخدمي تيب 

.

.

*ضعي معلومات على الصناديق 

كل صندوق خلصتي منه وقفلتيه اكتبي عليه اذا هو للمطبخ او الحمام او غرفة النوم او ...الخ 

هذا الشي يسهل عليك وقت الترتيب في البيت الجديد و تعرفين اماكن الاغراض بسهوله وسرعه ..

.

.

*جهزي شنطه قبل ليلة النقل 

حطي فيها غيار ومنتجات للشور والسكن كير وبعض السناكات 

لان احتمال تركيب الاغراض ونقلها يحتاج وقت .

.

.

*السوايل

اي شي سايل مثل الكريمات والعطور والمكياج يفضل تحطيه في اكياس بلاستيك منعا لتسرب ..

.

.

.

هاذي اهم نصايح طبقتها واستفدت منها 

كوني على تواصل معي 

سناب شات +انستقرام +تويتر=mayaablog 

.

.

.

في امان الله 

Leave a Comment moving|نقل, Reviews | تجاربي