روتيني في عنايتي اليوميه

الثلاثاء، 8 مارس 2016
اهلين
كيفكم ؟؟ وش مسوين ..
من زمان عنكم وعن مدونتي جدا مشتاقه للكتابه ..
سافرت وكذا مقدرت انزل اي شي .. المعذره ...

اليوم بتكلم عن روتيني اليومي في الاهتمام ب بشرتي ...

اهم شي تعرفين ايش المشاكل اللي في بشرتك حبوب.. تصبغات .. هالات ..خطوط .. جفاف  وعلى هذا الاساس تختارين منتجات العنايه عشان تتخلصين من المشكله ..





بالنسبه ل بشرتي طبيعتها جافه ومدهنه في التي زون وفي تصبغات خفيفه حول الفم هي خفيفه بس مضايقتني
وعندي روس سودا وبدات تخف الحمدالله ..

طبعا في الصباح نفس المساء ماعدا ثلاث اشياء كريم الحمايه من الشمس استخدمه بس اذا بطلع في النهار والسنفره والماسك استخدمه مره وحده في اليوم او عده ايام وقبل النوم مش في الصباح ...


اول شي غسول نتروجينا جدا لطيف في البدايه طلع حبوب لي بس بعد فتره اختفت تماما منعش.. ساعدني بالتخلص من الروس السودا .. ريحته مقبوله ..




سنفره بالورد من د اورقانيك حبيتها ما تجفف وحبوب السنفره صغيره وقليله وماسببت لي تهيج اهم شي ..
اشوف انها مرطبه بشكل جيد وساعدتني بالتخلص من القشور والتصبغات ..


ماسك من اوز ناتشرز يومي ولطيف على البشره استخدمه في المساء هو السنفره كل كم يوم ومرات بشكل يومي على حسب المود وتكلمت عنه هنا


بخاخ ماء الورد جميل بس ريحته ماش المهم ماحسيت بفرق بس بستمر عليه ...احسه يعطيني انتعاش..


كريم العيون من د اورقانيك هو سيروم بس حبيته نقطه منه تكفي هو يشد محيط العينين ويرطب مرااا حابته ..


الخطوه اللي قبل الاخيره الترطيب واستخدم عده كريمات مو بس كيو في بس اشوف انه الانسب لكل البشرات ..


مرطب للشفايف وهذا اللي مستقره عليه حاليا واشوف انه جيد خصوصا انه يحتوي على زبده الكاكو بس يعيبه حجمه نتفه ...


اخر خطوه وهي ترطيب اليدين واستخدم كذا نوع موزعتهم على الغرفه والمطبخ وبالحمام تكرمون ..ههههههه
هذا الكريم من نيفيا قوامه ثقيل شوي والبشره تاخذ وقت عشان تتشربه غالبا استخدمه قبل النوم ..

وبس هذا روتيني حبيت اشاركم ..
اتمتى حبيتو البوست واستفدتو ..
اذا تكرمتم تابعوني على انستقرام وتويتر ..

في امان الله..

هناك تعليق واحد:

  1. منتجات العناية بالبشرة هي خطوة أساسية نحو بشرة صحية وجميلة. تتنوع منتجات العناية بالبشرة لتلبية احتياجات البشرة المختلفة وتشمل: الغسول، التونر، المرطب، السيروم وكريم ترطيب الشفايف. باختيار المنتجات المناسبة واتباع روتين منتظم، يمكن لمنتجات العناية بالبشرة أن تساعد في تحسين البشرة لتحقيق مظهر صحي وجذاب.

    ردحذف

Top