اشياء حبيتها في مارس|مفضلاتي

هلا بكم 

وش مسوين؟؟

الاجواء متقلبه غبار برد حر مطر ماندري نطلع من البيت ولا لا لانه مليت من الحبسه ..

ماشالله عدد المطلعين على المواضيع كبير بس في شي يحز بخاطري مافي تعليقات  منكم ..مدري اذا تعجبكم مواضيعي او لا ؟؟

حسسوني بوجدكم بتفاعلكم ..

بكون جدا سعيده بتفاعلكم معي ...

يلا نبدا ..

اليوم بتكلم عن مفضلاتي ب مارس كم منتج مدمنتهم هذا الشهر ..

 e.l.f makeup mist&set 

بخاخ لتثبيت المكياج ويبعد اللوك الكيكي (المغبر) وبعد يبين لون الشدوو لو رشيته على الفرشه ..

انا ابخ منه على وجهي قبل احط اي شي وبعد مااخلص (قبل المسكارا) اهم شي  ..

يعطي مكياجك طله احلى اشوف انه افضل من فكس بلس من ماك ...

غسول بايوديرما للبشره الحساسه 

اخذت علبه صغيره لسببين الاول ان هاذي المره الاولى استخدمه والسبب الثاني عشان تنقلاتي كثيره ف سهل اخذه وين ماابي ..

من تجربتي له ينظف بشكل ممتاز وسريع بس ومايجفف البشره بلعكس احس عادي لا يرطب ولا يجفف ..

تقريبا حبيته ..

شدو تارتليت تو 

كتبت عنه تدوينه كامله وعملت لوك هنا

صراحه ما ندمت عليه الوانه روعه تناسبني وسهل واللون يبين ع طول بدون برايمر وكذا ..

ارواج كلربوب

اخذت روجين من عندهم وكنت ابي كم لون ثاني بس ع حظي كان خاالص 

الوانهم ناعمه طبيعه الروج مرطبه بس مشكلتها مع الاكل تقلب محدد هههههه 

بس جد ما ندمت ومتحمسه اجرب اشياء ثانيه من عندهم ان شاءالله....

مناكير H&M

اللون ناعم ودرجته اتوقع kalahari جميل على الاظافر نود ب لمعه مو مطفي مرره حابته ..

ب انستقرامي نزلت صوره ليدي وانا حاطته يحططططم ..

جل لاينر من ميبلين 

قبل كنت استخدم من كلينك ومستحيل اغيره بس لما جربت ميبلين انصدمت سوواده قوي وثباته طويييل 

وسهل ينمد معك مرررا شي بطللل ..

كحل نود من ريميل لندن

يعطي اتساع للعين  ضد الماء ثابت لفتره لا باس بها و مايسيح اهم شي درجته 005 

قلم حواجب من H&M

اخذته من باب ان مكياجهم خرابيط بس انصدمت فيه يطلع اللون بسرعه وسهل ارسم فيه لان انا ساحبه على اقلام الحواجب من كثر مااجرب وتطلع خايسه وجهه قلم والجهه الثانيه فرشه لتمشيط شعر الحاجب درجته بني اسبرسو..

هاذي اكثر الاشياء اللي استخدمها وجربتها ب مارس ..
اتمنى البوست اعجبكم
واسعد ب بتعليقاتكم ..

تجدوني على الانستقرام وتويتر :
@mayaablog
سناب شات :
mayaalharb_i

4 comments Makeup | مكياج, Reviews | تجاربي