What's in my bag?|ماذا يوجد في حقيبتي ؟؟

مرحبا

كيفكم ؟ وش مسوين ب الاجازه ...

اليوم البوست مختلف لا عن عنايه ولا ريفيو خلينا نقول انه ترفيهي اكثر ..
دايم في اليوتيوب اشوف فيديوهات عنwhats in my bag ? ايش في شنطتي ؟ واستمتع في هذا النوع من الفديوهات  بعضها يعطيك افكار ...
هنا بعرض لكم شنطتي اللي اخذها في المشاوير اليوميه مثل السوق .السوبرماركت . الصيدليه .الحدايق واماكن زي كذا..
تختلف عن شنطي بالمناسابات حتى الاشياء تكون مختلفه نوعا ما..

يلا نبدا

هاذي شنطتي لهاا عندي من ثلاث سنين وما زالت جديده ماشاءالله رغم الكرف اللي جاها .اخذتها من ماليزيا ماركتها BONIA اتوقع شفت محلهم في حياة مول ..حجمها جدا جميل متوسط تاخذ اغراضي اللي احتاجها.. لونها ابيض ورمادي فاتح وعلى الطرف برتقالي والقماش الداخلي برتقالي بعد و تزينها تعليقه ذهبيه نازله ..

هنا صوره من فوق والاغراض فيها..

المحتويات:.(نبدا من اليمين)
*بوك من ميلانو
*شنطة الميك اب
*مسكارا ميبلين
*روج كلربوب
*كحل نود من ريميل
*اعواد قطن
*اضاءة ماري لو (اخذها عشان المرايه وشكلها كيوت )
*كريم يد (استخدمت علبة برايمير خالص)
*عطر
*نظاره شمسيه
*سناك معمول + قارورة ماء
*شاحن +مودم سامسونج +كيبل
*قطرات مرطبه
*معقم لليدين + مناديل
*ربطة شعر
*مفتاح +قلم
*غطاء حمايه للتواليت (انتم في كرامه)

**في ذيك الايام من الشهر مااطلع عشان محد يستغرب ليش مو موجود ذاك الشي :)

شاركوني ب خانة التعليقات ايش اهم الاشياء اللي تكون بشنطتك وماتستغني عنها؟؟

تعالو بالانستقرام وتويتر نسولف مع بعض :)
@mayaablog

في امان الله

Leave a Comment ماذا يوجد في حقيبتي, what's in my bag?