مشترياتي من اي هيرب| iherb haul

ي هلا ي هلا

كيفكم ؟؟

رجعت لكم بموضوع خفيف وسريع عن مشترياتي من اي هيرب واغلبها اكل طبعا مو اول مرره اجرب الموقع سبق وطلبت من عندهم بس بعد تغير سياستهم اصبح سيئ صراحه ومافهمت طريقتهم ؟؟

ماتقدرين تطلبين خمس او اربع اشياء من شركه وحده او انا مافهمت صار معقد بالنسبه لي :(
ايضا لاحظت ان الشحن ارتفع عن قبل 

يلا نشوف ايش اخذت من اي هيرب

بسكوت من الحبوب الكامله

اخذته للفطور ,قبل كنت احصله في بنده بس من فتره ما عاد حصلته .

يشبع والسكر منخفض ,اخذ حبتين منه مع حليب وملعقة عسل مراااا يمي وسريع اهم شي

واتوقع منه انواع مختلفه بس ما جربتها

هنا

 زبدة لوز و زبدة بندق مع كاكو من ناو

انا جدا احبها زبدة اللوز طبيعيه ١٠٠٪ واستخدمها في كثير اشياء ,على التوست او مع الشوفان بار

اما بالنسبه للزبدة البندق قريب طعمها للنوتيلا بس تحسين بالبندق لانه مجروش تقريبا والسكر اقل من النوتيلا كاطعم

مراا حبوها اولادي اقدر اقول ادمنوها

هنا

هنا

اوميقا من gummiking

 عباره عن اوميقا للاطفال لاكن على شكل حلاو جيلي بدون جيلاتين والوان وسكر

طعمها حالي حامض ونكهة البرتقال واضحه جدا

مو مرا تقبلوها لانهم ما يحبون الحلاو اصلا بجميع الانواع ولاكن مازال عندي اصرار كل يوم

هنا

فيتامينات من SOLGAR وللشعر والبشره

طلبها زوجي لانه من زمان يبحث عن فيتامينات تناسبه واخيرا استقر  ههههههه

هنا

زيت اللوز الحلو من ناو

اخذته للجسم لاني احتاج ترطيب قوي في فصل الشتاء

و زيت اللوز معروفه فوايده للبشره من ترطيب وتفتيح

لاحظت انه خفيف و افضل استخدامه بعد الشاور عشان يسهل امده على الجسم

هنا

اخر شي بخاخ من الف لتثبيت المكياج
هذا ثاني واحد اخذه ما استغني عنه لانه يثبت ويساعد على التخلص من المظهر الباودري او المتكل
 واحب ارشه على البشره بدون ميك اب  يرطبها ويعطي نضاره موقته

هنا

هذا كل شي اتمنى كانت تدوينه خفيفه وانبسطو فيها 

اذا جربتو اي منتج منهم شاركيني رأيك في التعليقات 

دمتم بخير 

5 comments مشترياتي|Hual

اربع استعمالات ل STROBE CREAM من ماك عليك معرفتها

ي هلا والله فيكم 

كيفكم ؟؟ 

لي تقريبا ثلاث اشهر ما نزلت شي على المدونه ولكن متواجده على الانستقرام وسنابتشات 

وبسبب ظروف حصلت لي واخذت اجازه قليله طبعا 😁

المهم مالكم في الطويله اليوم بتكلم لكم عن كريم ستروب من ماك 

مرطب وبنفس الوقت يعطي لمعه ولون للبشره هو درجات وانا اخذت بنك لان احب بشرتي مورده خصوصا في الصيف 

الاغلب عنده هالكريم ويمكن يستخدمه في طريقه وحده .. بذكرلكم اربع استخدمات له وجدا مفيده ..

هل فكرتي ان منتج واحد يغنيك عن منتجات ثانيه ؟؟ 

اول استخدام وضع الكريم قبل المكياج من اجل اعطاء الترطيب والحيويه للبشره 

فقط تقومين بتوزيع الكريم على كامل الوجه او مناطق محدده وبعدها توزعين الفاونديشيين او ممكن بدون مكياج من اجل بشره مشرقه و رطبه ..

ثاني استخدام وهو انك تخلطين الكريم مع الفاونديشين وتوزعينه على البشره والفائده من هالشي يخفف لك الاساس الثقيل ويعطيك لوك لامع و رقيق وجدا انصح في هالطريقه للمكياج النهاري او في الصباح ..

هل تحتاجين هايلاتر سائل وغير متوفر عندك ؟؟

حصلت لك الحل , جيبي اي اضاءه باودر انتي حابتها وخوذي كميه منها واخلطيها مع كميه صغيره من الكريم بتحصلين على اضاءه كريميه خفيفه وتصلح للاستخدام اليومي طبعا و ممكن استخدام الحيله هاذي للجسم ايضا.

اخر شي  ممكن تخلطين الكريم مع اي روج سائل +مات وبكذا بيصير عندك حمرة خدود كريميه وبا اللون اللي حابته ولا تحتاج للتثبيت بفضل الارواج المات ..

وهذا كل شي لليوم حبيت اشاركم هالحيل الجميله وبكذا منتج واحد يغنيك عن الكثير 

طبقو الافكار و اكتبو لي رأيكم عنها ..

تواصل معي على 

انستقرام mayaablog

تويتر mayaablog

سنابتشات mayaablog

ودمتم ب ود 💗

5 comments تجاربي, Makeup | مكياج

جهاز شول لتنعيم القدمين | تجربتي و رأيي

مرحبا

ي هلا فيكم

في نوع من التقصير بالمدونه لعدة اسباب اولها اني كنت في سبات شتوي ..

خلص الشتاء و راجعه بقوه ان شاءالله ,,

طبعا الاغلب اذا مو كلنا نعاني من جفاف اسفل القدميين في بعض الاحيان و يرجع ل اسباب كثيره منها المشي حافي , عدم تجفيفهما من الماء بشكل جيد , قلة الترطيب , الماء الساخن , التعرض للهواء , التحسس من بعض انواع الصابون , امراض ومشاكل صحيه ...الخ

وللانه دخلنا فصل الربيع والصيف جاي وفي هاذي الفتره تكثر المناسبات ويكثر لبس الصنادل المفتوحه والكعب .

وطبعا القدميين مثل اي جزء من جسمك لازم تعتنين فيهم بشكل جيد لان مظهر الجلد المتشقق والجاف غير لطيف ابد ويدل على نوع من الاهمال ..

مثل ما عودتكم دايم بدون تكلف واشياء كثيره ممكن نحصل على قدميين ناعمه بثلاث خطوات فقط

بواسطة جهاز صغير ومخصص للاعتناء ب اسفل القدميين 

و هو جهاز شول المخصص للاقدام الجافه

هو فكرته نفس المبرد او الحجر المستخدم للازالة الجلد الجاف والميت لاكن بطريقة الطف واسرع وبدون الم وبذل مجهود كبير

الجهاز يتكون من راس قابل للتغير ويشتغل بالبطاريه لا يحتاج للشحن وله سرعه واحده فقط ..

استعماله جدا سهل وسلس 

كل المطلوب منك تستخدمينه على اقدام جافه تماما وتمررينه على الجزء الاسفل من الاقدام وبكل سهوله بتلاحظين ان الجلد يتطاير مثل ذرات الغبار وتنعم القدم بسرعه ..

يعيب الجهاز صوته المرتفع ,, بالنسبة لطريقة استخدامي لجهاز شول  استخدمه مره كل اسبوع ..

بعدها ننتقل للمرحلة الترطيب و استخدمي الكريمات و الزيوت اللي انتي حابتها  , انا استخدم كريم بالمرز بالكاكو وفيتامين ايه ..

اما الخطوه الثالثه هي لبس الشراب ليله كامله  عند النووم 

مع الاستمرار عليه بتلاحظين نعومه واقدام مثل البيبي ..

يتميز الجهاز بسهولة فك الراس وغسله تحت الماء و ينظف ما يحتاج تعقيد وايضا لو لاحظتي عدم فعالية الراس  مع الوقت ممكن تتخلصين منه وتستبدلينه براس جديد ..

و لفصل الراس فيه زر على جانب الجهاز مثل مو واضح بالصوره 

اخذت الجهاز من صيدلة بوتس..

اذا اعجبك الموضوع شاركيه في كل مكان😅 

كونو على تواصل 

انستقرام + سناب تشات +تويتر =mayaablog 

في امان الله 💗

14 comments Reviews | تجاربي, Skincare | العناية

مشترياتي من ذا بالم | THE BALM HUAL

مرحبا 

ياهلا فيكم 

حبيت اشاركم مشترياتي البسيطه من موقع ذابالم ..

هاذي ليست المره الاولى لي بتجربت منتجاتهم سبق واخذت كم شي من عندهم وما ندمت ابدا

بس قبل ما ابدا بقولكم ان الموقع يوصل دايركت لاكن ما انصح افضل بريد امريكي لان الطلب تاخر اكثر من شهر واخر شي قالولي ضاع وعوضوني بطلب ثاني بس غيرت العنوان لبريد امريكي و وصلت خلال اسبوع ..

يلا نستعرض المشتريات ..

اخذت ارواج سائله مطفيه MEET MATT حجم صغير 

عجبتني الوانهم صراحه وحبيت اجربهم اول ما وصلت استخدمتها على طول لاحظت انها تنشف بسرعه على الشفايف يعني لازم خفة اليد والسرعه وانتي توزعينها وبعد تطول ما تروح او تخف وماحسيت انها تسبب جفاف او لا لاني كنت مرطبه شفايفي قبل ..

ست درجات ميني :

CHARMING

SINCERE

COMMITTD

DOTING

LOYAL

DEDICATED

ثاني شي برايمر ذابالم الشهير

لان بشرتي جافه احتاج شي يعطي نعومه ويسهل علي مد الفاوندييشين ومن استخدام مره وحده لا باس فيه لاكن احتاج اجرب اكثر من مره ..

اخذت بعد بلاشر HOT MAMA

شفت ريفيوهات عليه وتحمست له اللون وردي وصراحه اعتمدته للمكياج النهاري لانه يعطي توريد طبيعي للبشره ويوضح معك على طول وفيه لمعه بسيييطه ...

اخر شي اخذت برايمر للعين ومسكارا MAD LASH

بحكي لكم عن المسكارا اول ما استخدمتها لاحظت انها تطول الرموش وبعد ما تسوي طبقه قاسيه على الرموش فظييعه صراحه واللي يميزها ان فرشتها شعراتها طويله شوي والفرشه منحنيه او مقوسه يعيبها رائحتها شوي غير مستحبه ..

اما البرايمر اخذته لان عندي جفن العين دهني ودايم الشدو يصير خطوط معي وللان ما جربته ..

هذا كل شي 

اتمنى حبيتو البوست 

لنكن على تواصل ↓

انستقرام:mayaablog

تويتر:mayaablog

سنابشات:mayaablog

لا تنسون التعليقات الجميله مثلكم

💗

4 comments مشترياتي, مشترياتي|Hual

تعرفو معي على موقع ROSEGAL

مرحبا 

كيفكم؟؟

اليوم بتكلم لكم عن موقع جديد للتسوق اون لاين يوفر الكثير من الخيارات ويناسب جميع الاذواق ...

من فتره ليست بطويله وصلني رساله في الايميل من احد اصحاب مواقع التسوق اون لاين وفي محتوى الرساله طلبو مني يكون بيننا تعاون عن طريق اني اختار قطع ب قيمه معينه ويرسلونها لي واقوم بتجربتها والكتابة عنها  وتقيم الموقع اذا يستاهل او لا, وافقت على طلبهم وتم الاتفاق على القطع وكل شي و وصلتني ..

** توضيح ** ماسأكتبه في الاسفل  يعبر عن رائي الصحيح ..

في البدايه احترت ايش اختار من عندهم الموقع جدا متنوع ومتجدد في ملابس واكسسورات وجزم و شنط .. الخ 

يلبي احتياجات المراءه والرجل .

لفت نظري الاسعار جدا متوسطه وفي متنازل الجميع و ايضاء الشحن مجاني ..

واجهه الموقع سهله والتصنيفات كثيره يعني لو في بالك شي محدد التصنيفات الموجوده بتسهل عليك البحث 

ويماشي الدارج حاليا من ناحية القطع الترند والكلاسيك  اقدر اقول كل وحده راح تحصل الستايل اللي يناسبها .

لما بديت اختار ما اكذب عليكم اخذت اكثر من اسبوع ,, في اشياء جميله مرراا حبيتها 

ارسلت لهم اللي اخترته لاكن للاسف الاغلب كان غير متوفر واضح اني تاخرت وكنت في دبي قلت خلاص ارسلو الموجود وبس لانه ما يمدي ارجع انقي واختار قالولي بس قطعتين متوفره وارسلوها وصلتني قبل كم يوم طبعا يوصلون على البريد السعودي ..

اتوقع اخذت اسبوعين على ما وصلت لي و احب انوه ان الموقع صيني لاكن جودة الملابس بنظري عاليه من ناحية المقاس والخياطه جدا ممتازه ..

الدفع بالفييزا او الباي بال....

جربت كثير مواقع بس صرفت النظر عنهم اما هذا بكرر التجربه ان شاءالله ...

يلا نشوف ايش اخذت وكيف نسقتهم ؟؟

تشوكر سواتر  ب لون بنفسجي فاتح

مرا حبيتها لما شفتها عندهم وما توقعت باللبس تطلع احلى و احلى

واخذت من عندهم بعد توب ابيض لفت نظري الكم واسع و مفتوح مع كشكشه بسيطه  جدا جميل لاكن ماسك علي شوي 

جاء في بالي اكثر من تنسيق له وعملي 

القي نظره على الموقع وتفرجي ..

هنا رابط الموقع ROSEGAL (اظغطي على الكلمة باللون الازرق )

روابط القطع اللي اخترتها 

CHOKER SWEATER

.

WHITE BLOUSES

اتمنى يعجبكم موضوع اليوم 

واذا حبيتي الموقع واخذتي من عندهم شي شاركيني الصور على

انستقرام:mayaablog

تويتر :mayaablog

سناب شات :mayaablog

في امان الله 

💖

8 comments Reviews | تجاربي

يوم في حياتي | A DAY IN MY LIFE :TRAVEL:

ي هلا والله فيكم 

وش مسوين مع بداية الترم الثاني ؟؟ 

انقطعت فتره عن المدونه بسبب السفر وكنت عند اهلي تقريبا لي اسبوع راجعه للبيتي

المهم حبيت اشاركم يوم من حياتي ومثل مو عارفين اني كنت في دبي من فتره اخترت يوم غير عادي من سفرتي لان ايامي تقريبا متشابه  😐

هذا اليوم الرابع من السفره اليوم قبل الاخير قررت اروح للقصباء ب الشارقة تقريبا ساعه عن دبي  ماني متاكده الاكيد اخذت وقت اطول بسبب الزحمة ..

واللي مايعرف ايش هي القصباء  هي عبارة عن مكان ترفيهي ومطاعم و عروض سيرك و ايضاء في قوارب ومنطقة لعب للاطفال 

المكان جدا رايق وهادي غير عن دبي و زحمة و الجو في الشتاء عجيب 

لاكن دايم احرصو تطلعون بدري قبل وقت زحمة الطرق وخروجهم من اشغالهم لاني واجهت هذا الشي ..

تغدينا هناك و اخذت قارب صغيره بتحكم ذاتي  وحصلت مركز لعب للاطفال من عمر12 سنه وتحت تتركينهم هناك وفي عاملات والالعاب كلها نطيطات ومراجيح وهالاشياء ولدي وبنتي انبسطوو خصوصا اعمارهم صغيره ويتمللون من العربيه فكان شي جميل اني لقيت شي مثل كذا ..

المكان مرتب واعتقد يصير فيه فعاليات لاكن انا كنت هناك بفترة الغداء لحد خمس تقريبا انصح فيه وبشده مرررا رايق 

انا من جد انبسطت اني رحت له واتمنى اكرر التجربة ...

هنا موقعهم اذا تبون تتعرفون عليها اكثر القصباء

بعد كذا قررنا نروح نروح للقاردن قلو او الحديقة المتوهجه . تعريف بسيط عنها 

تعتبر أول حديقة متوهجة في العالم أبوابها للجماهير في دبي، و بالضبط في حديقة زعبيل،و هي تضم مجموعة من العجائب التي ستدخل بها موسوعة جينيس للأرقام القياسية، منها نسخة مصغرة من مسجد الشيخ زايد الكبير المصنوعة من 90 ألف كأس وصحن وملعقة من الخزف، ونسخة من برج خليفة مصنوعة من 330 ألف زجاجة دواء صغيرة مملوئة بالمياه الملونة وتمتد على طول 12 متر. 

ما يميز هذه الحديقة انها تتوهج خلال الليل , و توفر العديد من الألعاب والأنشطة الترفيهية التفاعلية وممشى طويل يقدم أشهى المأكولات من مختلف أنحاء العالم بالإضافة الى مرافق مثيرة للأطفال منها الشجرة الناطقة، وجنة الباندا ومخيم الديناصورات ومدينة الحلوى.

اكثر شي لفت نظري الديناصورات عند كل واحد كاتبين النوع وتفاصيل بسيطه عنه ويميزها اصدارها للاصوات وحركتها هنا عيالي انبسطو منجد اخذنا جوله فيها وطبعا لها رسوم دخول اتوقع 60  درهم للشخص والاطفال تحت ثلاث سنوات مجانا 

ختمت الجوله فيها ب ايسكريم ب هالجو الحلو ..

اتمنى اكون قدرت اوصلكم احساسي واعيشكم الجو معي 

.

.

لنكن على تواصل

انستقرامmayaablog

تويتر mayaablog

سناب mayaablog

ولا تنسون مشاركتي تعليقاتكم هنا 

.

.

احبكم 💋

9 comments TRAVEL|السفر

اهلا 2017|اهداف ونصائح

مرحبا

كيفكم ؟؟

 💜💜💜

واهلا فيكم في اول بوست في 2017 بتكلم فيه عن اهدافي واشياء ابي اغيرها في حياتي وبعض النصائح في كتابة الاهداف

 

في بداية كل سنه نحاول نضع لنا اهداف اما قصيره او طويله والاغلب تمضي السنه ما حققنها ويكمن السبب في انها غير واقعيه مثلا او نسيانها او اسباب خارجه عن ارادتنا مثل المرض والتعب ..

 

 

 

 

 

كيف تضعين اهدافك؟

*عند وضع اهدافك اجعليها قصيره .ركزي على اقل من خمس اهداف

*دوني اهدافك على ورقه .

اكتبيها لو استغنيتي عن هاذي الخطوه يعني انك ماتبين تغيرين شي في حال كنتي ما تحبين الكتابه الورقيه دونيها في الملاحظات في جوالك وايضا في كثير تطبيقات للتنظيم

*قسمي هدفك الى عدة اهداف صغيره .

هاذي الخطوة تسهلك الموضوع

مثال خسارة الوزن فتقولين ابي اوصل 50 كيلو خلال 12 شهر ولنفترض وزنك 70 تحت الهدف هذا ضعي اهداف صغيره مثل خسارة كيلو ونص  كل اسبوع ..رياضه خمس ايام في الاسبوع وبكذا كل نهاية اسبوع تراقبين وزنك هل نزل مثل ما خططتي له .

*اجعلي اهدافك تتسم بالواقعيه  .

.مو تقولين بنزل 10 كيلو في شهر ..اعتمدي هالطريقه مع كل اهدافك ونفس الشي للناس اللي بتطور مهارتها في شي معين .

 

 

بالنسبه للاهدافي  اللي حابه اشتغل عليها

الصحه :

بركز هاذي السنه على نظام صحي في الاكل خصوصا اني باديه من شهرولاحظت تحسن على المزاج والبشره

وبلتزم بالرياضه ..انا من الناس الي التزم اسبوع اسبوعين واترك ..

واهم شي اكثر مااااااء .

 

المدونه:

بنشر تدوينات بشكل اسبوعي وبيكون في تنوع كبير مو بس بيوتي ..

بتكلم في اشياء مفيده ومتنوعه بس الى الان ما حددت اليوم اللي تنزل فيه التدوينه .عطوني اقتراحتكم ايش اليوم المفضل عندكم لقراءة التدوينات ؟؟

 

 

السفر :

انا وحده تحب السفر والسنه الماضيه ما سافرت كانت سنه هاديه وكلها قضيتها في البيت كنت مشغوله في المدونه

في بالي سفره لمكان معين فبركز عليها..

 

 

الكتب :

قبل انجابي للاطفالي كنت اقراء في شكل متقطع ولاني ام لطفلين الفرق بينهم سنه كانو ياخذون كل وقتي ومايمدي اقرا شي نهاية اليوم اكون تعبانه وادور النوم هههههه

حاليا كبرو وصارو ينشغلون مع بعض ..صار عندي وقت .

حابه اقرا ست كتب هالسنه ..

 

هذا اكثر شي بركز عليه

وانتي ايش اهم اهدافك لسنه 2017 ؟؟

 

لنكن على تواصل

انستقرام :mayaablog

تويتر:mayaablog

سنابشات:mayaablog

 

 

في امان الله💜

 

 

 

 

 

8 comments عام جديد

مشترياتي من موقع انستازيا | ANASTASIA HAUL

مرحبا 

كيفكم ؟؟طمنوني عنكم.

تاخرت في كتابة البوست لان حصلت لي ظروف غصب عني ..

بس اهم شي رجعت لكم ..

من فتره كان البلاك فرايدي وهو الجمعه السوداء واللي مايعرفها تكون اخر جمعه في نوفمبر وكل المحلات والمواقع الامريكيه تسوي تخفضيات و خوصمات توصل ال70% ..

وانا من فتره ودي بكم غرض من انستازيا ف قلت خليني انتظر واجرب يمكن اطلع بخصم يسوى .. مالكم بالطويله وخلوني استعرض لكم مشترياتي البسيطه .. وكانت ثلاث اشياء وجد حابه اجربهم ب اقرب فرصه ومنها اجرب الطلب من موقعهم اون لاين..

بالنسبه للطلب جدا سهل .. مايحتاج بريد امريكي ..

اما بالنسبه للتوصيل مقدر احكم عليه لانها فترة ظغط  بالنسبه لهم وتخفيضات لاكن صديقتي طلبت و وصل خلال اسبوع اما انا فطولت اخذت اسوعين تقريبا 

وايضا سحبو المبلغ دبل ,,وبعد الشحن رجعو الباقي+انهم بعد وصول الطلبيه ارسلو لي انها شحنت>>صح النوم انستازيا 😌

المهم وصلت وكانو مهتمين بالتغليف ,,حسافه ما صورت البوكس 

ايش طلبت و رائي فيه ..

*باليت MODERN RENASSANCE 

هذا الباليت شفت ريفيوهات عنه كثير وحبيته وكنت ابي اطلبه لاكن مقطوع من فتره وبالبلاك فرايدي لقيته بالموقع رجع من جديد بس ماعليه خصم كان ب42$ ..

تقريبا كله مات وكم لون ب لمعه وحسيت انه يناسب الشتاء خصوصا اني طايحه بغرام الالوان المحمره ..

بنفس الباليت فرشه مزدوجه جهة للتوزيع الشدو وجهه للدمج 

اكثر شي اعجبني او اذهلني فخامة الباليت صاير مثل الشامواه من برا وبصراحه خايفه عليه يتوصخ 😐

بالنسبه للشدو نفسه يعيبه انه يتناثر شوي ..بس الالوان قويه و واضحه ..

*باليتGLOW KIT 

عباره عن اربع درجات من اللمعه او الهايلايت برونزيه تقريبا تدرج من الفاتح للغامق 

دايم اسمع مدح عن اضاءت انستازيا وهذا قررت اخذه لانه اربع درجات في باليت واحد يعني اقدر اغير او ادمج اضائتين مع بعض

لفت نظرني انها ناعمه جدا حبوب اللمعه بالكاد تبين 

ف تعطي لوك متوهج ومشرق بدون يبين اوفر .

ومازال تحت التجربه ..

*قلم الحواجب BROW DEFINER

ومين ما يعرف قلم الحواجب من انستازيا ؟؟ اشهر من النار على العلم ..

انا جربت اقلام حواجب قريبه من فكرة انستازيا ,توم فورد وغيره وابد ابدا ماحبيته اللون بصعوبه يطلع وممكن تتساقط بعض شعرات الحاجب,,لاكن شفت هذا عليه مدح مو طبيعي مافي يوتويبر او بلوقر ما مدحته ..

بالنسبه لي ما فرق عن البقيه اللي جربتهم الا بشي واحد ان اللون يبين غامق مو خفيف ..

انا استخدم الجل دايم او القلم العادي ممكن هالشي اللي مخليني مو متقبلته ..

وبس هذا كل شي 

اتمنى افدتكم 

اذا جربتي شي من هاذي المنتجات اكتبي لي رايك او اذا مجربه شي مختلف من انستازيا شاركني ايضا؟؟

لنكن على تواصل من خلال:تعالو والقو التحيه 😍😍

انستقرام:mayaablog

تويتر :mayaablog

سناب شات :mayaablog

في امان الله 💓

7 comments مشترياتي, Makeup | مكياج, Reviews | تجاربي

افضل 6 منتجات جربتها في 2016

مرحبا 

ي هلا فيكم ..

اليوم بتكلم عن منتجات ميك اب جربتها في2016 واعجبتني ..

بديت هاذي السلسله من السنه الماضيه لو حابه تشوفينهاهنا 

في السلسله هاذي اشارك معكم حصلية سنه وافضل شي بالنسبه لي من تجربتي 

 جربت منتجات كثير بس مو كلها كانت كويسه او جيده ف عشان كذا اكتب عن الافضل من وجهة نظري الشخصيه ..

 ..

اول منتج بتكلم عنه

COLOURPOP LIPSTICK

اخذت الروجين هاذي كا تجربه وجدا حبيتها وماتنشف الشفايف وما تروح بسرعه وايضا تعطي لوك مات اللي يميز كلربوب الاسعار المتدنيه وفي متناول اليد والوانها الرائعه  وكثير تكلمت عنهم هنا او في الانستقرام من كثر مو عاجبيني 

HAUTGLANZGELEE TRANSPARENT JELLY

جل  اخضر سايل يوضع على المناطق الجافه او اللي تقشر بعد وضع الميك اب عشان يثبت ويعطي لوك دوي 

لاكن انا افضل اخلط نقطه منه مع الفاونديشن .. الاحظ القشور تختفي لما اسوي هالحركه 

ما ندمت اني اخذته والكميه كبيره على كثر مااستخدمته الا انه باقي ما خلص .

TARTELETTE IN BLOOM

هذا الباليت تكلمت عنه في بوست كامل تحصلونه هنا

تميزت تارت في الشادوات المات والالوان الدافيه 

اشوف انه لازم يكون عند كل بنت 

B B CREAM MISSHA

بي بي كريم كوري اخذ ضجه كبيره وكلنا نعرف ان الكوريين يحبون البشره تبين كلها لون واحد وفاتحه جت فكرة البي بي كريم هذا انه يغطي كل عيوب البشره وفعلا نجح في هذا الشي ايضا يتميز انه مع واقي شمس 

واحب استخدمه في الصباح اكثر شي 

NYX SOFT MATTE LIP CREAM

قوامها كريمي ثقيل ما حسيت انها تجفف الشفايف لاكن ما تطول احتاج اجددها حبيتها لان الالوان تسحر خصوصا ابوظبي وستوكهولم والاحمر هذا خيالي وايضاء اسعارها جيده .

L.A.GIRL POR.conseal

كثير قالو انها تشبه كونسيلر ماك لاكن مااحس كذا اشوفها اثقل من ماك ولازم ادمجها بسرعه قبل تجف اما المصححات سايله ونقطه منها تكفي لو كثرتي اعدمتي الدنيا ..

جدا احب استخدمها دايم 

.
.
.

لنكن على تواصل

انستقرام :MAYAABLOG

سناب شات :MAYAABLOG

تويتر :MAYAABLOG

اكتبو تعليقاتكم حول الموضوع تحت

في امان الله

8 comments Makeup | مكياج

روتين مكياجي اليومي |My evreday makeup routine

مرحبا

كيفكم ؟؟

اليوم الموضوع عن روتيني اليومي في وضع المكياج  .. طبعا مو دايم احط مكياج  بس هذا للطلعات الخفيفه او اذا حابه احط شي خفيف  وسريع ..

في ما انه مكياج كل يوم لازم يكون بسيط مافيه الوان كثير ولا كونتور ولا هايلايت ..

وطبعا ماارسم اي لاينر اكتفي ب المسكارا بس ..

في البدايه قبل المكياج اغسل وجهي بغسول لطيف وارطب بكريمي المعتاد ونزلت طريقة عنايتي ب بشرتي لو حابين تاخذون نظره هنا

بعد كذا ابدا في البرايمر على الاماكن اللي تدهن وعندي هي التي زون بس.. برايمر بودي شوب جل شفاف ومررا جميل يعطني بشره ناعمه او يخلي سطح البشره ناعم..

نتفه منه تفي بالغرض على كامل الوجه واتركه يمكن3 دقايق عشان ينشف  او يجف ..

وبالنسبه لكريم الاساس استخدم بي بي كريم من ميشا لانه خفيفه على بشرتي وماابي شي ثقيل او تغطيه كامله اوزعه بالاسبونج اخذتها من ذا فيس شوب ناااعمه جدا و طريه وتوزيعها ممتاز اظن مجموعه ب ١٠ ريال ..درجتي هوني بيج اللي يميزه ان معه حمايه من الشمس  وهذا جدا مناسب للطلعات النهار...و بعد كل خطوه لازم انتظر كم دقيقه عشان ينشف الاساس وكذا

وللكونسيلر استخدمl a girl بدرجة كريمي بيج وجدا قريبه من لون بشرتي عشان تغطي الهالات الخفيفه اللي عندي وماابي اضاءه قويه تحت العين عشان كذا اخترت درجه مناسبه لي ..اوزع ب اسبونج فيس شوب ..

بالنسبه للباودر استخدم بنانا من بن ناي اخذ منها ب نفس الاسبونج اللي وزعت فيها الكونسيلر ونفس الجهه الرطبه  اوزعها تحت العين واقرب لجوانب الانف  عشان اسوي كونتور  للانف واخليها لحد مااخلص مكياج العيون وبعدها انفضها ب الفرشه من سيقما بطريقة البيكنج ..ليش سويت كذا ؟؟لان ماابي تحت العين يخطط وابيه يظل ناعم ومنور ..

اوزع البلشر بفرشة سيقما رقمها f40 .. استخدم لون وردي فاتح من باليت كوستال ..الباليت مافيه شي مميز حجمه كبيره وتورطت فيه صراحه بس درجة البلشر هاذي خورافيه ..

بعد ماخلصت الوجه نتوجه للمكياج العيون ونبدا بالحواجب

من باليت سليك للحواجب ودرجتي اكسترا دارك استخدم الباودر مع فرشة مشطوفه من سيقما ورقمها E65

وبشكل خفيف اعبي الفراغات لان ابي شي بسيط وناعم واكيد طبيعي...

وللشدو استخدم باليت تارت وكتبت عنه هنا

ابدا بدرجة flower child و اوزعها بفرشة سيقما ورقمها E55

وعلى زاوية العين الخارجيه استخدم درجة rebel بفرشة الدمج من سيقما رقمها E40 وعند مدمع العين بفرشة القلمF30 اوزع لون فاتح و درجة في الباليت هو charmer وبالون الغامق اللي استخدمته فوق ارجع احط منه تحت العين وهنا اشيل الباقي من الباودر واحط المسكارا وهي من ريميل  ومراا جميله تفتح العين ..

وبالنسبه للروج استخدم منNYX درجة ستوكهولم مررا حابته كريمي مات ويثبت فتره لا باس بها ..

وبس هذا مكياجي اليومي والبسيط

ان شاءالله عجبكم البوست

موضوع عن فرش سيقما هنا

.

.

.

لنكن على تواصل (سوشيل ميديا )

انستقرام :mayaablog

تويتر:mayaablog

سناب شات :mayaablog

في امان الله

4 comments Makeup | مكياج