مرحبا
ي هلا فيكم
في نوع من التقصير بالمدونه لعدة اسباب اولها اني كنت في سبات شتوي ..
خلص الشتاء و راجعه بقوه ان شاءالله ,,
طبعا الاغلب اذا مو كلنا نعاني من جفاف اسفل القدميين في بعض الاحيان و يرجع ل اسباب كثيره منها المشي حافي , عدم تجفيفهما من الماء بشكل جيد , قلة الترطيب , الماء الساخن , التعرض للهواء , التحسس من بعض انواع الصابون , امراض ومشاكل صحيه ...الخ
وللانه دخلنا فصل الربيع والصيف جاي وفي هاذي الفتره تكثر المناسبات ويكثر لبس الصنادل المفتوحه والكعب .
وطبعا القدميين مثل اي جزء من جسمك لازم تعتنين فيهم بشكل جيد لان مظهر الجلد المتشقق والجاف غير لطيف ابد ويدل على نوع من الاهمال ..
مثل ما عودتكم دايم بدون تكلف واشياء كثيره ممكن نحصل على قدميين ناعمه بثلاث خطوات فقط
بواسطة جهاز صغير ومخصص للاعتناء ب اسفل القدميين
و هو جهاز شول المخصص للاقدام الجافه
هو فكرته نفس المبرد او الحجر المستخدم للازالة الجلد الجاف والميت لاكن بطريقة الطف واسرع وبدون الم وبذل مجهود كبير
الجهاز يتكون من راس قابل للتغير ويشتغل بالبطاريه لا يحتاج للشحن وله سرعه واحده فقط ..
استعماله جدا سهل وسلس
كل المطلوب منك تستخدمينه على اقدام جافه تماما وتمررينه على الجزء الاسفل من الاقدام وبكل سهوله بتلاحظين ان الجلد يتطاير مثل ذرات الغبار وتنعم القدم بسرعه ..
يعيب الجهاز صوته المرتفع ,, بالنسبة لطريقة استخدامي لجهاز شول استخدمه مره كل اسبوع ..
بعدها ننتقل للمرحلة الترطيب و استخدمي الكريمات و الزيوت اللي انتي حابتها , انا استخدم كريم بالمرز بالكاكو وفيتامين ايه ..
اما الخطوه الثالثه هي لبس الشراب ليله كامله عند النووم
مع الاستمرار عليه بتلاحظين نعومه واقدام مثل البيبي ..
يتميز الجهاز بسهولة فك الراس وغسله تحت الماء و ينظف ما يحتاج تعقيد وايضا لو لاحظتي عدم فعالية الراس مع الوقت ممكن تتخلصين منه وتستبدلينه براس جديد ..
و لفصل الراس فيه زر على جانب الجهاز مثل مو واضح بالصوره
اخذت الجهاز من صيدلة بوتس..
اذا اعجبك الموضوع شاركيه في كل مكان😅
كونو على تواصل
انستقرام + سناب تشات +تويتر =mayaablog
في امان الله 💗
شكراً على رايك في الجهاز بس ماتلاحظين بحكم انه بطاريه ومو كهرباء يكون بطيء وغير عملي
ردحذفبصراحه انا متخوفه منه وخاصة انه غالي حبتين
السعر فعلا مرتفع لاكن ممكن تشاركين مع احد ثاني مثل اختك او امك وكل وحده يكون لها راس اما بالنسبه للسرعه اشوف انها ممتازه ما حسيت انها بطيئه❤
حذفجمممميل ������ اول مره اقرا عنه ريفيو على كثر ما شفت اعلاناته اول ما طلع.. بجد حمستيني عليه ��❤��
ردحذفوالله يستاهل مررا مريح و مايتعب او ياخذ وقت❤🌹
حذفي الله كنت اشوفة وانا في اسبانيا واخذه وارجعه وكان عرض اخذ جهازين بـ200 وترددت كثير ونسيته و الجد اني احترت لان حصلت نوعين تقريباً
ردحذفبس جد يستاهل وأحب الاجهزة العملية الخفيفه السهلة ����
انا كنت متردده فتره طويله وحصلته في كثير صيدليات بس لما شفت تجربة اختي اخذته على طول ..♥️
حذفأكثر شي يتعب الرجل المشي حافية وخصوصا ان بيتنا رخام 😭
ردحذفحبيت جدا الريفيو يعطيكي العافية
صحيح ،، الله يعافيك❤
ردحذفالجهاز هذا أكثر جهاز ترددت فيه 😂 اشوفه في كل مكان بس ما عمري شفت أحد يتكلم عنه كويس انك تكلمتي عنه ، و بالنسبة للبس الشراب نتيجته مرا تجنن انا دايماً اسويها و أحب استخدم كريم ثقيل
ردحذفكنت ابحث عن تجارب دايم بس ما حصلت😓 وقلت خليني استخدمه واكتب تجربتي اللي قد تفيد غيري..❤
حذفتحمست اجربه على كثر المدح اللي قريته عنه بس انا حاليًا مرتاحه على الماسك " بيبي فوت " مره عاجبتني نتايجه 👌🏽
ردحذفيعطيك العافيه مايا💋❤
الماسك ما نفع معي كان ينشف الرجلين اكثر واكثر ويتعب ..
حذفالله يعافيك ❤🌹
يعطيك العافيه مايا..
ردحذفقبل متردده اني اشتريه لانه بطاريه كنت شاكه ان له نتائج حلوه
الكريم عن تجربه ترطيبه فعْال وجميل وانا ما احب احوس برجلي كثير ولا اتحمس
احرص على ترطيبه دايم والحمدلله مرتاحه :)
يعطيك العافيه مايا :)
من زمان اشوفه بس لأنو ماعندي فكرة عنه ترددت آخذه ، قدمي تاخذ نصيب كبير من عنايتي ، حمستيني أجربة لأنو فعلاً المحك ياخذ جهد كبير .. شكراً ميوم الهمتيني :)
ردحذف