مرحبا
كيفكم؟؟
اليوم بتكلم لكم عن موقع جديد للتسوق اون لاين يوفر الكثير من الخيارات ويناسب جميع الاذواق ...
من فتره ليست بطويله وصلني رساله في الايميل من احد اصحاب مواقع التسوق اون لاين وفي محتوى الرساله طلبو مني يكون بيننا تعاون عن طريق اني اختار قطع ب قيمه معينه ويرسلونها لي واقوم بتجربتها والكتابة عنها وتقيم الموقع اذا يستاهل او لا, وافقت على طلبهم وتم الاتفاق على القطع وكل شي و وصلتني ..
** توضيح ** ماسأكتبه في الاسفل يعبر عن رائي الصحيح ..
في البدايه احترت ايش اختار من عندهم الموقع جدا متنوع ومتجدد في ملابس واكسسورات وجزم و شنط .. الخ
يلبي احتياجات المراءه والرجل .
لفت نظري الاسعار جدا متوسطه وفي متنازل الجميع و ايضاء الشحن مجاني ..
واجهه الموقع سهله والتصنيفات كثيره يعني لو في بالك شي محدد التصنيفات الموجوده بتسهل عليك البحث
ويماشي الدارج حاليا من ناحية القطع الترند والكلاسيك اقدر اقول كل وحده راح تحصل الستايل اللي يناسبها .
لما بديت اختار ما اكذب عليكم اخذت اكثر من اسبوع ,, في اشياء جميله مرراا حبيتها
ارسلت لهم اللي اخترته لاكن للاسف الاغلب كان غير متوفر واضح اني تاخرت وكنت في دبي قلت خلاص ارسلو الموجود وبس لانه ما يمدي ارجع انقي واختار قالولي بس قطعتين متوفره وارسلوها وصلتني قبل كم يوم طبعا يوصلون على البريد السعودي ..
اتوقع اخذت اسبوعين على ما وصلت لي و احب انوه ان الموقع صيني لاكن جودة الملابس بنظري عاليه من ناحية المقاس والخياطه جدا ممتازه ..
الدفع بالفييزا او الباي بال....
جربت كثير مواقع بس صرفت النظر عنهم اما هذا بكرر التجربه ان شاءالله ...
يلا نشوف ايش اخذت وكيف نسقتهم ؟؟
تشوكر سواتر ب لون بنفسجي فاتح
مرا حبيتها لما شفتها عندهم وما توقعت باللبس تطلع احلى و احلى
واخذت من عندهم بعد توب ابيض لفت نظري الكم واسع و مفتوح مع كشكشه بسيطه جدا جميل لاكن ماسك علي شوي
جاء في بالي اكثر من تنسيق له وعملي
القي نظره على الموقع وتفرجي ..
هنا رابط الموقع ROSEGAL (اظغطي على الكلمة باللون الازرق )
روابط القطع اللي اخترتها
اتمنى يعجبكم موضوع اليوم
واذا حبيتي الموقع واخذتي من عندهم شي شاركيني الصور على
انستقرام:mayaablog
تويتر :mayaablog
سناب شات :mayaablog
في امان الله
💖
حبيت أختياراتك يعطيك العافية💖💖
ردحذفحبيبتي تسلمين❤
حذفاحب تجارب المواقع حيقه اتحمس كثير ,, شكرا مايا وذوقك جميل يا جميله
ردحذفياه ميوم حبيت البلوزتين مررره ، موديلاتهم غريبه ماقيد شفتها بالمواقع الدارجة اعلاناتها بكل مكان ..
ردحذفحبيت البلوزة و السويتر مرا ترند و ناعمين 😍
ردحذفأحس ناقص التدوينة أشياء منها طريقة الشحن , سعر القطع , أيضا صور أوضح للقطع وتفاصيل أكثر ... شكرا لك
ردحذفالشحن على البريد السعودي كاتبه فوق وحاطه روابط القطع اخر التدوينه عشان تشوفين السعر وشكلها ..ايش التفاصيل اللي تبينها؟؟
حذفالعفو 😐
القطعتين كلهم جميييله و تناسب مع بنطلون او تنورة
ردحذفتتهنين يارب