مرحبا
كيفكم وش مسوين؟؟
الاجواء جميللله امطار وبراد الحمدالله افتكينا من الغبار ..هذا اول بوست لشهر ابريل وحابه هالشهر ابعد شوي عن الميك اب لان وانا اشوف المواضيع السابقه اكتشفت اغلبها ميك اب وماابي احصر نفسي بمجال معين خصوصا ان مدونتي لايف ستايل احب مواضيع اصنعيها بنفسك مررره انبسط وانا اشوف مدونات عن الDIY احسها ملهمه وتعطيك احساس اللي لازم اسوي شي >>ان شالله فهمتو علي ..
المهم
اليوم الموضوع عن كيف تسوين كريم من زبدة الشيا؟؟
زبده الشيا معروفه انها غنيه بفيتامين A ومرطب جيد للبشره والشعر وتعالج اغلب مشاكل البشره مثل اثار تمدد الجلد وتنعيم المناطق الخشنه مثل الركب والاكواع كما انها تقضي على اثار حب الشباب وحروق الشمس وتفيد في الندوب بصفه عامه زبده الشيا مفيده اعتبرها كنز ..
انا من عشاق الزبدات قبل كنت استخدم زبده الكاكو فعلا مالقيت مرطب او كريم مثل مفعولها خصوصا النعومه من ثالث استخدام....
طبعا عشان تسخدمينها بسهوله ويمتصها الجلد بدون مشاكل لازم تخلطينها مع اشياء ثانيه مثل زيوت اوكريمات
هنا انا استخدمت ثلاث منتجات بس وهي زيت جوز الهند وزبدة الشيا وزيت فيتامين E
طريقة عمل كريم زبدة الشيا؟؟
حابه انبه على شغله ان زبدة الشيا مااتتسخن على درجة حراره عاليه لانها راح تفقد خصائصها ويصير فيها زي بلورات صغيره صلبه ماتتفكك ..
عند التسخين استخدمي حراره منخفضه جدا جدا او سخنيها في حمام مائي بعد كذا بعديها عن النار و اضيفي زيت جوز الهند وخليها تبرد وممكن تحطينها بالفريزر مثل ما سويت لربع ساعه او لحد ما تجمد مو تثلج يعني(ترجع لحالتها الطبيعيه )بعدين اظيفي فيتامينE و الزيوت العطريه ما ينفع تحطينهم وهي حاره لان فائدتهم تروح
بعدين تجبين الخلاط وتضربينها لحد ما تصير مثل الدريم ويب بس انتبهو لا تاكلونها هههههه
وبكذا تكون جاهزه للاستعمال وزعيها في علب او جار اللي انتي حابته ..
صراحه النعومه اللي تعطيك ايها تستاهل التعب ..
انا استخدمها بعد الشور وقبل النوم دقايق بس والجسم متشربها وايضا استخدمها لعيالي و زوجي معنا بعد ادماااان ..
اتركم مع الطريقه
^
^
شايفين كيف ناعمه و ودك تاكلينها ..
المكونات:
زبدة الشيا من NOW 207مل
نص كوب زيت جوز الهند
ملعقه كبيره من زيت فيتامين E
طبعا في بالبنترست طرق كثيره ومكونات مختلفه ..
ان شاءالله اكون عند حسن ظنكم ..
تجدوني على انستقرام وتويتر :
@mayaablog
في امان الله
راح اطبق طريقتك ، لأَنِّي اشتريت الشيا خام من أمازون وما عجبتني ، هي لزوجي (بشرته زي التمساح هههه) والله لا يوريكي رائحتها مقرفة جداً لأَنِّي طلبتها أورغانك عضوية وخالية من العطور والكيماويات، طبعاً لما يدهن منها أنا أهرب من البيت خخخ
ردحذفأحبها لكن مخلوطة مع الزيوت العطرية
ردحذف