كيكة الكوكيز

مرحبا 

كيفكم ؟؟

من زمان عن المدونه مريت بظروف صبعه بس الحمدالله على كل حال ..اشتقت للمدونتي والتدوين 

بس اليوم موضوع مختلف تماما بيكون من مطبخي .. طبعا انا احب الطبخ بس مزااج يعني حسب المود ابدع والطعم يطلع حكايه بس اذا مجبوره اسوي اي شي والطعم لكم عليه ..

من زمان يمكن من خمس سنين وانا اتابع لورا فيتالي على اليوتيوب وطبقت الكثير من وصفاتها واللي مايعرف لورا هي شيف ايطاليه لها قناتين على اليويتيوب وحده مختصه بالطبخ والثانيه تجميل وكذا موقعها هنا وفي كل وصفاتها ..

اللي يميزيها ان وصفاتها جدا سهله وبمكونات معروفه للكل ومن تطبيقي للكثير من وصفاتها الطعم والشكل لا يعلى عليه ..

حبيت اطبق كيكة الكوكيز من عندها لانها سهله جدا وماتاخذ وقت والكميه جدا صغيره يعني اللي بتسويها تدبل المقادير

يلا نبدا 

اول شي نضرب البيض مع السكر والفانيلا لدقيقتين وبعد كذا نظيف الزبده ثم نظيف الدقيق والبكنغ باودر والملح  ونخلطهم سوا (مااستخدمت عجانه او خلاط) واخر شي قطع الشوكلاته انا استخدمت مارس قطعته صغير لان هو المتوفر عندي طبعا تكونين مسخنه الفرن من تحت ع درجة حراره اقل من 180 والرف يكون بالنص او قبل الاخير حسب الفرن عندك..

تدهنين الصينيه بزبده وتوزعين الخليط وتواسينه من فوق ..

هنا انت مخيره اذا تبين الاطراف تكون كرسبي ومقرمشه لاكن الوسط طري خليها تطول بالفرن ل20 دقيقه مثل ماسويت انا  اما اذا تبينها طريه من الاطراف خليها ل15 دقيقة و شيكي عليها ب عود خشب ..قبل  تطلعينها من الفرن افتحي باب الفرن وخليها لربع ساعه بعد كذا طلعيها.. وقدميها مع صوص شوكلا او ايسكريم اللي تحبون  تفننو ..

المقادير سهله وقليله انا استخدمت صينيه صغيره قطرها ممكن 10 سم ..

الطعم شي لذيذ صراحه الذ كوكي كيك ذقتها كانت قاسيه من الاطراف وطريه من النص والشوكلا ذايبه يمي يمي 

سوها وارسلولي التطبيق  على انستقرامي :mayablog@

المقادير:

كوب دقيق

بيضتين

ملعقه  فانيلا

ربع كوب سكر ابيض

ربع كوب سكر بني *استخدمت سكر جوز الهند*

ربع ملعقه ملح

ملعقة بكنغ باودر

ربع كوب زبده

الخطوات 

الخطوات سهله وسريعه ماتاخذ وقت 

مده التحظير15دقيقه

مده الخبز:15-20 دقيقه

جربوها وان شاءالله تعجبكم .. بالعافيه..

الطريقه باليوتيوب كوكي كيك

هذا كل شي .. اتركم في امان الله 

1 comment Cook | طبخ, Reviews | تجاربي