مرحبا ياجميلات
كيفكم ؟؟
اتوقع اللحين اختبارات باديه او بتبدا بالتوفيق يارب ..
قبل فتره يمكن اسبوعين قصيت شعري كله (بوي) ف جاء في بالي اني انزل موضوع عن الاشياء اللي استخدمها بالشور وقبل الشور
شعري بعد الصبغات ومع الحمل وكذا تعب وصار جاف طبعا وقفت الصبغات عشان اعالجه او ع الاقل اهتم فيه
ومااعتمدت على اشياء صعبه مثل خلطات او فيتامينات شعر لاني مو مقتنعه او تقدرون تقولون ان عندي قناعه تامه ان الانسان يحصل على الفايده من الغذا وبس
عدلت شوي على نظامي الغذائي دخلت خضار و ورقيات اكثر وشرب الماء بكثره ..
اول شي قبل الشور ادهن شعري بزيت جوز الهند ويفضل يكون دافي شوي واسوي مساج للفروة الراس من 3-5 دقايق واغطيه لساعتين اقل شي وبعض الاحيان ليله كامله ..
بعد كذا اغسله بماء مايل للبروده ب شامبو انا احاول مااغسل شعري كثير خلال الاسبوع ف معتمده نظام يوم و يوم بدون غسل..
استخدم شامبو هيربل ايسنسيز بالعسل احسه حفيف على الشعر ..
بعد ماينظف الزيت استخدم بلسم ترسيمي نعومة الكيراتين على الاطرف واخليه ل 3 دقايق واغسله وفايدة البسلم يرقق الشعره ف يقلل من النفشه او التطاير عشان كذا لايقرب الجذور لانه راح يسبب تساقط ...
هذا البلسم جد يعطي الشعر حيويه ويهبطه وتحسين الشعر ناعم و صحي..
بعد كذا استخدم حمام كريم معالج من ويلا للشعر المجهد من استخدام الحراره والسيشوار الغريب فيه ان ريحته مثل ريحة الصبغه شي ما يطمن صح؟؟
استخدمته مرتين بالاسبوع بس واخليه على الشعر من3-5 دقايق واغسله النتيجه اللي احصل عليها تخليني اغض النظر عن ريحته المزعجه ..
هو منتج اصلاح الشعر واعادة الحيويه وصراحه اول مرره اجرب منتج ويطلع نفس مو مكتوب على العلبه مو اعلانات
حسيت شعري هاجد وناعم ولما اسوي شعري يالستريتنر يعطي نتايج مبهر لامع وصحي اكثر ..
بعد الشور ادهن الاطرف بزيت الارقان اويل بس لزيادة اللمعه طبعا الزيت مخلص من عندي بس بحط لكم صورته حاليا اخذ نتفه من زيت جوز الهند واحطه ع الاطراف لانها هي اكثر شي تتعرض لاجهاد وتتقصف بعد استخدام الحراره ..
نصايح للاهتمام بالشعر:
قللي استخدام الحراره (السيشوار والستريتنر والفير ووالخ )
كثري من شرب الماء
اعرفي طبيعة شعرك واستخدمي زيوت مناسبه..
دخلي الورقيات للنظامك الغذائي مثل الخس والسبانخ والجرجير معروف فايدتها للشعر ..
لا تجهدين شعرك ب استخدام منتجات كثيره مثل المثبتات وغيرها..
اعتمدي على الماء البارد في غسل الشعر لان الماء الساخن يعرضه للجفاف والتقصف..
لا تخلين الفوطه على شعرك المبلول اكثر من ربع ساعه ..
نشفي شعرك بالطبطبه ولاتستخدمين العصر او الفرك للانها تودي للتكسر الشعر..
مشطي شعرك قبل الشور ويعد الشور لما يجف تماما..
بعض الاشياء اللي غيرتها لما بديت بالعنايه ::
استبدلت الفرشه العاديه بفرشه مصنوعه من الخشب لاني لاحظت ان تكسر الشعر انعدم تماما وفرش الشعر المصنوعه من الخشب تسهل التسريح اكثر تلاقونها عند ذا بودي شوب.
استخدمت فوط مخصصه للشعر وناعمه جدا وقفت الصبغ تماما وقللت من استخدام الحراره ..
وبس هذا روتيني بسيط جدا بدون تكلف او تعقيد و ب اشياء متوفره في كل مكان ..
اتمنى حبيتو الموضوع واستفدتو..
اظيفني على:
الانستقرام :
mayaablog
تويتر:
mayaablog
سناب شات:
mayaalharb_i
دمتم بود
يعني يا مايا راح أنطلك في كل موضوع وأعلّق يعني اسمحيلي أكتب براحتي طالما دخلت على مدونتك (اللزيزة)= يعني الجميلة (: المهم عزيزتي حبيت انصحك لا تكثري من المواد الكيماوية واتركي البلسم الذي يدمرالشعر واتركي كريم الشعر مالهم داعي وإذا بدك شامبو قليل المواد الكيماوية استعملي شامبو الأطفال فجميع منتجات الأطفال تحتوي كيماويات أقل ، هوة ينشف الشعر صح وهذه مشكلة لذوات الشعر الطويل بس أنتي ماعندك مشكلة لأنك ذكرتي أنك قصيتي بوي.
ردحذفزيت جوز الهند جيد ولكن اذا بدك نتيجة صح أنصحك باستعمال زيت الزيتون فظظظيع وأكيد تعرفي حديث الرسول الكريم إدهنوا به فإنه من شجرة مباركة ، سأعطيكي دليل حتى تقتنعي( شكلي حأعمل مدونة تانية في داخل مدونتك من كتر اللعي والرغي (: صح )... قريبتي معها وجع بالركب و كنت قد أحضرت لها زيت زيتون من خارج المملكة لتدهن به ركبها، المهم لما جيتها قالت لي أنها من كثر الدهن بهذا الزيت طلعلها شعر جديد برجليها وللعلم فهي لا يوجد عندها شعر أبداً نهائياً برجلها بل طلع نتيجة الدهن بالزيت ، فتخيلي معي عزيزتي أديش زيت الزيتون ممتاز ويطلعلك شعر جديد لو وضعتيه على الرأس ويقوي الشعر القديم وأكله كمان أفضل ( أنا طبخي ٨٠٪ بزيت الزيتون) ، أتمنى الفائدة لكِ ولكل من تقرأ فلا تستعملي الكيماويات وخففي منها قد ما تقدري ولا تغرك الدعايات وأهم شي توصيل الفيتامينات لشعرنا داخلياً يعني بالغذاء الصحي وليس خارجياً بالمستحضرات التجميلية
شكرا على نصايحك بس زيت الزيتون ما يناسب الكل بالنسبه لي كان يرقق الشعره وبعدها يتساقط ..
حذف