اصنعيها بنفسك | مناديل مرطبة للطفلك

بسم الله الرحمن الرحيم 

اليوم جبت لكم فكرة سهله لعمل المناديل المرطبة للطفلك في البيت  ولقيت اجانب كثير معتمدينها وبطرق كثيرة بس هذا اللي ناسبني منها ..

طبعا كلنا نتسعملها بشكل كبير وانا ما استغني عنها خصوصا ان عندي طفلين 

 ..فكرت انو ليش ماسويها في البيت!!!؟ 

 فكرتها جدا بسيطة وغير كذا تعرفين المكونات اللي فيها يعني آمنه اكثر من الجاهزه..

 بتحتاجين اشياء بسيطة وماتكلف وكمان اكون عارفه وش استخدمت..

 هنا تشوفين الاشياء اللي استخدمتها..

بتحتاجين رول مناديل انا استخدمت (فاين) ..

ملعقة زيت جوز الهند استخدمت (براشوت )هو للشعر بس انا استخدمه لكل شي ريحته تجنن... 

ملعقه صغيره بيبي اويل استخدمت (جونسون )هي اللي يناسب بشرة اطفالي..

ملعقة صغيره شامبو وطبعا مثل ماهو باين (فارمسي )ريحته جميله ..

 علبه او حافظة بلاستيك وطبعا مو مهم حجمها ..

كوب ماء و وعاء للخلط...

طبعا تخلطين المكونات بالوعاء وتكوني تاركة الرول داخل الحافظه مثل ماسويت انا

بعد كذا تصبين الخليط على الرول وتاكدين انك وزعتيه تمام 

تغطينه وتتركينه ل3-5 دقايق عشان يتشرب المكونات زين..

 هنا بعد ماخلطتهم وصبيته على المناديل..

طبعا اذا فتحتي الحافظه بتلاحظين انه ترطب  عاد هنا شيلي الكرتونه البنيه اللي بالنص ..

 وهذا شكله بعد ما تتركينه خمس دقايق وجاهز للاستخدام على بشرة طفلك وريحته جميله...

وبس هذا كل شي ..حبيت الفكره وجربتها واعتمدتها وحبيت انقلها لكم..

ان شاء الله تكونو انبسطتو معي واستفدتو ..

اترككم في رعاية الله وحفظة..

3 comments DIY