مرحبا
كيفكم ؟؟
💜💜💜
واهلا فيكم في اول بوست في 2017 بتكلم فيه عن اهدافي واشياء ابي اغيرها في حياتي وبعض النصائح في كتابة الاهداف
في بداية كل سنه نحاول نضع لنا اهداف اما قصيره او طويله والاغلب تمضي السنه ما حققنها ويكمن السبب في انها غير واقعيه مثلا او نسيانها او اسباب خارجه عن ارادتنا مثل المرض والتعب ..
كيف تضعين اهدافك؟
*عند وضع اهدافك اجعليها قصيره .ركزي على اقل من خمس اهداف
*دوني اهدافك على ورقه .
اكتبيها لو استغنيتي عن هاذي الخطوه يعني انك ماتبين تغيرين شي في حال كنتي ما تحبين الكتابه الورقيه دونيها في الملاحظات في جوالك وايضا في كثير تطبيقات للتنظيم
*قسمي هدفك الى عدة اهداف صغيره .
هاذي الخطوة تسهلك الموضوع
مثال خسارة الوزن فتقولين ابي اوصل 50 كيلو خلال 12 شهر ولنفترض وزنك 70 تحت الهدف هذا ضعي اهداف صغيره مثل خسارة كيلو ونص كل اسبوع ..رياضه خمس ايام في الاسبوع وبكذا كل نهاية اسبوع تراقبين وزنك هل نزل مثل ما خططتي له .
*اجعلي اهدافك تتسم بالواقعيه .
.مو تقولين بنزل 10 كيلو في شهر ..اعتمدي هالطريقه مع كل اهدافك ونفس الشي للناس اللي بتطور مهارتها في شي معين .
بالنسبه للاهدافي اللي حابه اشتغل عليها
الصحه :
بركز هاذي السنه على نظام صحي في الاكل خصوصا اني باديه من شهرولاحظت تحسن على المزاج والبشره
وبلتزم بالرياضه ..انا من الناس الي التزم اسبوع اسبوعين واترك ..
واهم شي اكثر مااااااء .
المدونه:
بنشر تدوينات بشكل اسبوعي وبيكون في تنوع كبير مو بس بيوتي ..
بتكلم في اشياء مفيده ومتنوعه بس الى الان ما حددت اليوم اللي تنزل فيه التدوينه .عطوني اقتراحتكم ايش اليوم المفضل عندكم لقراءة التدوينات ؟؟
السفر :
انا وحده تحب السفر والسنه الماضيه ما سافرت كانت سنه هاديه وكلها قضيتها في البيت كنت مشغوله في المدونه
في بالي سفره لمكان معين فبركز عليها..
الكتب :
قبل انجابي للاطفالي كنت اقراء في شكل متقطع ولاني ام لطفلين الفرق بينهم سنه كانو ياخذون كل وقتي ومايمدي اقرا شي نهاية اليوم اكون تعبانه وادور النوم هههههه
حاليا كبرو وصارو ينشغلون مع بعض ..صار عندي وقت .
حابه اقرا ست كتب هالسنه ..
هذا اكثر شي بركز عليه
وانتي ايش اهم اهدافك لسنه 2017 ؟؟
لنكن على تواصل
انستقرام :mayaablog
تويتر:mayaablog
سنابشات:mayaablog
في امان الله💜
تدوينة رايقة مايا ؛ سنة سعيدة ياربّ💕
ردحذففي أهداف مُشتركة ؛ ان شاءالله نقدر نحققها ..
و ان شاءالله تكون سنة سعيدة مليئة بالإنجازات💖.
تدوينة خفيفه وجميلة ، حبيت اهدافك وحمسك
ردحذفوبإذن الله تحققيين ماتمنيتِ♥️♥️♥️
خزنت المدونة بالمفضلة عندي عشان اويق كل شوي عليتس ههههه بالتوفيق بهالسنه ان شاءالله تتحقق اهدافنا كلنا
ردحذفحبيت الكومنت (اويق) الله يسعدك ..امين يارب ❤
حذفسنه جميله لك يارب ومليانه أحداث حلوه ..
ردحذفحبيت تخطيطك متوازن مافيه إجهاد ❤︎
بالتوفيق وانشاء الله تحققي كل اهدافك لهالسنه ❤❤❤
ردحذفاهلًا مايا .. ان شاءالله هالسنه تكون سعيده خفيفه لطيفه عليك ❤
ردحذففعلا اندفاعنا بكتابة الاهداف هو اللي يخرب لانه يحسسنا بصعوبتها ،،
ردحذفويارب تحققين كل اهدافك ����❤️