صباح | مساء الخير
هلابكم
كيفكم مع البرد ؟ مايمزح والله..
الله الله بالدفا وترقيع الملابس < هههه امزح
اليوم بتكلم عن ماسك دايم استخدمه ومااستغني عنه ابدا وهو ماسك الافوكادو
بديت استخدمته من ثلاث شهور وصدق اعطى بشرتي نظارة وصحة ومكوناته سهل , متوفره في كل بيت وما ياخذ وقت ..
اذا برتاح من يوم طويل استخدمه احس يهدي بشرتي وخليها ريلاكس ومنتعشه ..جربوه واكتبوا لي تعليقاتكم تحت ..
اتركم مع الطريقة..
 |
| ماسك الأفوكادو |
المكونات :
نص حبة افوكادو .
ملعقة عسل .
ملعقتين زبادي .
الطريقة:
تخلطين المكونات كلها لحد ما تمتزج مع بعض وبعدها تحطيها على بشرة نظيفة وخاليه من مساحيق المكياج
وتتركين الماسك ل15-20 دقيقة وبعدها تغسلين وجهك وترطبينه .. تستخدمينه مرتين بالاسبوع..
ليش اخترت الافوكادو , العسل .الزبادي ؟؟
الافوكادو: معروف انها مرطب لبشره وتحتوي على فيتامين EوC ومضادات الاكسدة والبيتاكاروتين طبعا هاذي الاشياء معروف انها تقاوم التجاعيد وعلامات التقدم بالسن.
العسل: معروف انه يزيل الخلايا الميته ومرطب جيد للجلد ويساعد على تفتيح البشرة كما انة يتعبر مقاوم للجفاف ويعطي اشراقة للبشره.
الزبادي:يخفف من التصبغات ويهدي البشرة ويعطيها صحة..
ان شاء الله حبيتو البوست ..
احب اشوف تجاربكم على تويتر والانستقرام :)
في امان الله ..دمتم بود
0 comments:
إرسال تعليق