اربع استعمالات ل STROBE CREAM من ماك عليك معرفتها

ي هلا والله فيكم 

كيفكم ؟؟ 

لي تقريبا ثلاث اشهر ما نزلت شي على المدونه ولكن متواجده على الانستقرام وسنابتشات 

وبسبب ظروف حصلت لي واخذت اجازه قليله طبعا 😁

المهم مالكم في الطويله اليوم بتكلم لكم عن كريم ستروب من ماك 

مرطب وبنفس الوقت يعطي لمعه ولون للبشره هو درجات وانا اخذت بنك لان احب بشرتي مورده خصوصا في الصيف 

الاغلب عنده هالكريم ويمكن يستخدمه في طريقه وحده .. بذكرلكم اربع استخدمات له وجدا مفيده ..

هل فكرتي ان منتج واحد يغنيك عن منتجات ثانيه ؟؟ 

اول استخدام وضع الكريم قبل المكياج من اجل اعطاء الترطيب والحيويه للبشره 

فقط تقومين بتوزيع الكريم على كامل الوجه او مناطق محدده وبعدها توزعين الفاونديشيين او ممكن بدون مكياج من اجل بشره مشرقه و رطبه ..

ثاني استخدام وهو انك تخلطين الكريم مع الفاونديشين وتوزعينه على البشره والفائده من هالشي يخفف لك الاساس الثقيل ويعطيك لوك لامع و رقيق وجدا انصح في هالطريقه للمكياج النهاري او في الصباح ..

هل تحتاجين هايلاتر سائل وغير متوفر عندك ؟؟

حصلت لك الحل , جيبي اي اضاءه باودر انتي حابتها وخوذي كميه منها واخلطيها مع كميه صغيره من الكريم بتحصلين على اضاءه كريميه خفيفه وتصلح للاستخدام اليومي طبعا و ممكن استخدام الحيله هاذي للجسم ايضا.

اخر شي  ممكن تخلطين الكريم مع اي روج سائل +مات وبكذا بيصير عندك حمرة خدود كريميه وبا اللون اللي حابته ولا تحتاج للتثبيت بفضل الارواج المات ..

وهذا كل شي لليوم حبيت اشاركم هالحيل الجميله وبكذا منتج واحد يغنيك عن الكثير 

طبقو الافكار و اكتبو لي رأيكم عنها ..

تواصل معي على 

انستقرام mayaablog

تويتر mayaablog

سنابتشات mayaablog

ودمتم ب ود 💗

5 comments تجاربي, Makeup | مكياج

شوية مشتريات من النهدي

اهلين 

 كيفكم ؟؟ عاملين ايه 

 كل مره لازم اعتذر منكم على التاخير هههههه وحشتني المدونه وانتم بعد ..احبكم..

 اليوم بتكلم عن مشترياتي من صيدلية النهدي ...اشياء بسيطه 

 يلا نبدا  

  

                                                                                  

من اليمين زيت يخفف السترتش ماركس من Eucerin جربته مرتين ونشوف اذا صدق او لا هم حاطين صوره قبل وبعد انها اختفت نشووف  لين اخلص العلبه ...

اللي بعده فازليين تونك للشعر مابعد جربته بس اشوف كثير يمدحونه نجررربه ليش لا.. 

اخر شي واقي الشمس من Avene كل مرره يخلص ارجع اجيبه جميييل للوجهه واليدين ومايدبق اهم شي نسبته50+spf..

جل لاينر من ميبليين اخذته على راي مجربه لان بنتي ماقصرت خربت الجل لاينر تبع كلينيك من تجربتي لميبليين جمييييل واسوود قوووي ينمد بسهوله وكمان ما يسيح ...حبيته...

 مناديل جونسون للوجه تزيل المكياج والمسكارا روووووعه وترطب الوجهه ..ثلاث مسحات على الرموش وتنظف ....

 

اخر شي هذي الشغلتين مو من النهدي حصلتهم في محل عطاره يوفر كم حبه 

نبدا من فوق زبدة الشيا من now غنيه عن التعريف مافي احد ما تكلم عنها انا اخلطها مع كريمي واستخدمها ترطيبها فظيييع ..

الثاني زيت جوز الهند ينفع لكل شي للشعر والجسم والطبخ اكثر شي استخدمه في الطبخ جمييييل وريحته جناان وماله طعم بالاكل بيني وبينكم ماحسيت بفرق  ..

هذا كل شي حبيت اشاركم مشترياتي ..

تابعوني على الانستقرام وتويتر @mayaablog 

 اتركم في امان الله 

Leave a Comment تجاربي, تجربتي،تسوق،اون لاين, مشترياتي, Reviews | تجاربي, Skincare | العناية

حل مشكلة تقشر بشرة الوجه + بديل مقشر فرانك

صباح~مساء الخيير

 

الجو اليوم لا يعلى عليه مطر وخير احب المطر بشكل جنوني ..

موضوعي اليوم عن مشكله اغلبنا يعاني منهاا او سبق وحصلت له اللي مشكلة ظهور القشور على البشره بعد وضع المكياج اكيد تعرفون كيف يطلع الشكل بشع يعني تجلسين ساعه تظبطين مكياجك وبالنهايه ظهورها يخرب كل شي

اول شي لازم تعرفين السبب لهذي المشكلة جفاف.. التهاب..الخ

 

ب خمس خطوات بس بتخلصين من مشكلة تقشر الوجه

 

اولا: الغذا المتوازن وشرب الماء

الاكل يلعب دور لازم يحتوي اشياء مفيده وتقللين كمية السكريات والدهون ركزي على الورقيات والخضار الخضرا للانها مفيده للبشره كمان شرب الماء للشخص البالغ عليه شرب 8 اكواب يومي او لترين من الماء ..

الماء شي مهم اغلب مشاكل البشره والشعر تكون بسبب قلة الماء .. ماء ماء ماء ماء احرصووو عليه

 

ثانيا:الترطيب

رطبي بشرة وجهك مرتين يوميا ب مرطبات خاليه من العطور مثل ستافيل ..كيوفي ..بعض الزيوت لو بشرتك شديدة الجفاف مثل زيت جوز الهند ووو ..

ترطيب قبل النوم واول ما تصحين مع الوقت بتلاحظين فرق

ثالثا:الصنفره او السكراب

الصنفره مهمه مره كل اسبوع ممكن تسوينها في البيت واشهر صنفره هي السكر مع الليمون وزيت الزيتون للبشره الوجه والجسم والشفايف سهله بس مفعولها جميييل بحركات دائريه بسيطه وبعدها نظفي بشرتك ورطبيها وفي صنفرات جاهزه بلاسواق مثل st ives جميله وعن تجربه انصح فيها..

 

رابعا: واقي الشمس

شمسنا ما يحتاج اتكلم عنها تلعب بالبشره لعب تصبغات وحروق وجفاف دايم لا تطلعين الا وانتي مستخدمه واقي شمس ب spf عالي عندك مثلا  بايوديرما ..افين كلهم جميله ومو ثقيله وتدبق انصحك بواحد منهم

 

خامسا:عمل الماسكات

من الماسكات اللي ساعدتني ماسك الافوكادو سبق ونزلت بوست عنه هنا

هذا الماسك رائع جدا سويه مرره بالاسبوع يرطب ويعطي نظاره للبشره...

 

هاذي الخطوات لو اتبعتيها راح تحصلين على نتيجه رائعه وطبعا مافي نتيجه من اول مرره ..استمري

 

نجي اللحين للبديل مقشر فرانك

مقشر فرانك عباره مقشر معمول من القهووه انتشر بشكل كبير على الانستقرام واغلب البلوقرز عرب واجانب تكلمو عنه لا اخفيكم اني جربته وصراحه شي عجيب طبعا يكفيك ريحة القهووه شي خرافي بعد ماستخدمه مااحس جسمي نشف نفس بقية المقشرات ومن فوايده  التخلص من السلوليت والشعر تحت الجلد ذيك الحبوب المقرفه ويساعد على تخفيف السترتش ماركس تعالي شوفي كيف نعمله في البيت .

ايش تحتاجين:

قهوه ..استخدمت قهوة ستار بوكس بس أي قهوه تنفع

زيت جوزالهند ..استخدمت زيت جوزالهند من ارض الطبيعه

سكر ناعم الحبيبات

اخلطيهم مع بعض واستمتعي بحمام دافي

المقادير انتي حدديها على حسب ما تحتاجي.. انا اسوي كميه واحفظها عندي جمييييل يا بنات يرطب ويعطي نعومه من اول استخداام ..

 

وبس هذا كل شي لليوم

HAVE A NICE DAY

تابعوني على الانستقرام وتويتر

في امان الله

 

Leave a Comment تجاربي, DIY, Reviews | تجاربي, Skincare | العناية

خمس منتجات تجميليه جربتها في 2015 | Review

مساء/صباح الخير

كيفكم  ان شالله بخير وصحه يارب

اشتقت لكم واشتقت للتدووووين

المعذره طولت مانزلت شي انشغلت مع الاهل الي متابعني بالسناب بيعرف وش اتكلم عنه ..

 

ب بوست اليوم بتكلم عن منتجات جربتها في 2015  ممكن تعتبرونها مفضلاتي الاخيره  لهذي السنه 

يلا نبدا  مع فاونديشين ميك اب فور ايفير

 

foundation makeup for ever ultra HD

سويت عنه ريفيو كامل بس بتكلم عنه على السريع .. قوامه سائل وينفع لكل البشرات وايضا درجاته كثيره

خفيف على البشره  تغطيته متوسطه الى عاليه حسب كم طبقة تحطين ..جميل استخدمه كل يوم حبييته ..هنا

Sleek brow kit

باليت حواجب من سليك عباره عن جزء كريمي وباودر مثل مو واضح بالصوره درجتي Extra dark  بني غامق سهل ينمد  .. فظيييع  وسهل ترسمين فيه .. تبدين بالجزء الكريمي وتثبتين بالباودر..   صرااحه مااستغني عنه  الدرجة كثير تناسب اللي شعر حواجبهم اسود او بني غامق ..

 

NYX liquid illuminator

اضاءه سايله من نكس يا زينها تعطي دوي لوك  وتوهج للبشره مرره حلوه اعتبرها البديل الارخص ل high beam من بينفيت  طلبتها من امازون .. المشكلة الوحيده فيها انها تخف مع مرور كم ساعه :(

Givenchy noir couture mascara

مسكارا جفنشي وصلتني من قلام بوكس فظيييعه تعطي كثافه وسوواد رهيييب مدري كيف اشرح لكم لاكن جد حبييتها تكلمت عنها بمفضلاتي

Chanel concealer

هذا الكونسلير مدحته لي موظفة سيفورا وعلى كد المدح اول شي ما يخطط تحت العين وسهل ينمد وماينشف ويكتل بلعكس جمييل واهم شي مايقلب رماادي واطلع كني زومبي مدري كم درجته بس مكتوب عليه رقم 10 اذا هي درجته او لا مااعرف :)

وبس هذا كل شي لليوم اتمنى اني افدتكم

تابعوني على الانستقرام وتويتر :)

 

Leave a Comment تجاربي, Makeup | مكياج, Reviews | تجاربي

كيف تخفين الهالات السودا ب روج برتقالي

بسم الله الرحمن الرحيم 

صباح | مساء الخير 

وش مسوين ؟؟

ملاحظين انتشر في السوشيل ميديا  طريقة استخدام الروج البرتقالي عشان يخفون الهالات السودا

 هبة من هبات الاجانب :) طبعا هي طريقة مو جديدة

طيب ليش لون برتقالي بالتحديد ؟؟

الهالات بالعادة يكون لونها ازرق واذا ابي اخفيها استخدم لون برتقالي مثل ماهو واضح في عجلة الالوان 

اي لون بالعجلة اللي يقابله هو اللي تستخدمينة يعني لو عندك حبوب لونها احمر راح تستخدمين كوكتر (مصحح) اخضر وبكذا تختفي نفس الشي مع الهالات حسب درجتها بتستخدمين اللون  لو قويه وغامقه بتستخدمين درجة غامقة..

 واللون اللي يقابل الازراق هو البرتقالي ...

شوفي عجلة الالوان هنا 

بحكي لكم عن تجربتي مع الروج::

من خمس سنين وانا استخدم الروج عشان اخفي الهالات اللي عندي وجدا مرتاحه على الموضوع طريقة استخدامي هي انو

اوزع كمية بسيطة على الهالات اسفل العين بس وانتبهي تطلعين عن مكان الهالات لان لو كثرتي او مديته بعيد عن منطقة الهالات بتعطيك نتيجة عكسيه يعني بس على السواد اللي عندك وبعدها اوزع الفاوينديشين بطريقة الطبطبة بالاسبونج  بعدين استخدم الكونسيلر او العكس مثل ماسوت البنت بالصوره  وقولي وداعا للهالات >> امزح هو تجميلي اكيد اذا مسحتي مكياجك بترجع هههههههه

اسباب الهالات السودا؟؟

وراثي .

قلة النوم او السهر والاجهاد.

الانيمياء .

التعرض بكثرة للمواد الكيميائيه مثل بعض مستحضرات التجميل.

انخفاض ظغط الدم.

متلازمة ماقبل الطمث.

اسباب كثيرة لايسعني ذكرها .

النوم الكافي و اراحة العين من الجوالات وهالاشياء كفيلة ب انها تخفف منها ..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اتمنى كانت تدوينة خفيفة ومفيدة..

تابعوني على الانستقرام وتويتر 

هل تستخدمين الروج للاخفاء الهالات اللي عنك؟؟

اتركم في امان الله :)

2 comments تجاربي